Кеуде — көкірек, (жануарларда) алдыңғы немесе (адамдарда) жоғары дене бөлігі. Кеуде пішіні омыртқалыларда қаңқамен-көкірек қуысы, иық белдеуі мен кеуде қуысы бұлшық еттерінің орналасуымен байланысты. Буынаяқтылар кеудесі 3 бөліктен құралған, алдыңғы, ортаңғы және артқыкеуделік; әрқайсысында 2 жұп аяқ орналасқан, ал қанатты жәндіктердің ересектерінде ортаңғы және артқыкеуде бөліктерінде бір, жұп қанаттары бар.Кеуде лат. thorax — дененің жоғарғы бөлігі, қараңыз: Көкірек.Кеуде лат. mamma — әйел адамның жұп мүшесі, кеуде немесе сүт бездері. Кеуде қуысы (лат. Cavum thoracis) — адам денесінің жоғарғы бөлігі. Кеуде қуысын құрсақ қуысынан көкет бөліп тұрады. Кеуде қуысында өкпе, өңеш, жүрек, айырша без, кеңірдек, бас бронхылары және лимфа түйіндері, қан тамырлары, лимфа тамырлары және жүйкелер орналасқан. Кеуде қуысының ішкі беті сір қабығы мен көмекерілген. Кеуде қуысы 12 жұп қабырға, төстік және омыртқа жотасын кеуде бөлігінің омыртқаларынан құралған. Кеуде қуысының жоғарғы және төмеңгі тесігі бар. Кеуде қуысының төменгі жағы мен іш қуысының аралығын көкет (диафрагма) бөліп тұрады. Кеуде қуысының пішіні адамның жынысына қарай әртүрлі болып келеді, сондай-ақ мамандығына және түрлі аурулар әсеріне қарай өзгеруі мүмкін.
Негізгі бөлім
Кеуде торы (compaqes thoracis, thorax) өмірлік маңызы бар ағзалар (жүрек, өкпе) орныны құрайтын, тұлғаның кеуде бөлігінің сүйекті негізі. Ол артынан - кеуде омыртқаларынан, алдыңғы бүйір жақтарынан – қабырғалар мен төс сүйектен түзілген
