№5 Ақарал жалпы орта білім беретін мектеп-гимназиясы Бекітемін Мектеп директоры _______Н Койшиманова 1 қыркүйек Білім күніне арналған салтанатты жиын
2022-2023 оқу жылы
I жүргізуші -
Армысыздар, құрметті қонақтар, ата - аналар, ұстаздар, білім алушылар!
Арайлы жаздың үш айын мазмұнды да, мәнді өткізіп, алтын ұя мектебіңізге қайта оралып, сағынышқа, шаттыққа толы 1 қыркүйек – Білім күні мерекелеріңіз баршаларыңызға құтты болсын!
ІІ жүргізуші: Биылғы жылы еліміздің даңқын асқақтатқан оқиғалар көп болды
Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балдырғандармен бірге сыңғырлаған қоңырау үнімен табысып отыр.
І-жүргізуші: Өмір бойы мектебімді жыр етем,
Бір өзіңде бақыт, білім, берекем.
Шәкірттерің өрістесін, өрлесін,
Құтты болсын білім күні мерекең! - дей келе балаларын алғаш мектепке жетектеп келіп отырған ата - аналарға қадамдарыңызға гүл бітсін, армандарыңызға нұр бітсін дейміз!
ІІ жүргізуші –
Бүгінгі салтанатты жиын 1-сынып оқушылары үшін ерекше күн. Бүгін
1– сынып оқушылары үшін өмірлеріндегі алғашқы қоңырау соғылады.
І жүргізуші
Мектеп табалдырығын алғаш рет аттағалы отырған бүлдіршіндерді ұлағатты ұстаздарымен бірге қарсы алыңыздар!
Қуаныш бүгін мереке,
Шуағын шашып тұр әлем
Мектепке келген алғашқы
Бүлдіршінге бір сәлем! – деп Бүгінгі бүлдіршін, ертеңгі Егемен еліміздің болашақ ұрпақтарын зор қошеметпен қарсы алайық. (Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)
ІІ жүргізуші – 2022-2023 оқу жылының 1«а» сынып, жетекшісі-өнегелі еңбегімен, ұжым өміріндегі ерекше белсенділігімен дараланған мұғалім Суанкулова Айзада Ильясовна
