9 тәсіл - Егер тараптар конфликтіні шешу үшін жауапкершілікті өз мойнына алғысы келмесе, онда олармен келісім – шарт жасаңыз - сіз шешім қабылдайсыз, бірақ олар енді оны даулай алмайды және оны сөзсіз орындауы керек. Ұжымдағы конфликтілерді шешудегі сіздің әдістеріңіз бен тәсілдеріңіз қызметкерлер үшін ыңғайсыз болуы мүмкін, бірақ келесі жолы олар компромисс шешімдерінің нұсқаларын өз бетінше іздей бастайды.
№10 тәсіл - Болашақта оларды қайталамау үшін конфликт жағдайларының қорытындыларын ескеріңіз. Өз қызметкерлеріңізге осыны үйретіңіз.
30. Конфликтіні шешудегі психологиялық әсер ете алу жолдарын сипаттап шығыңыз
Адамдар арасында туындаған конфликтіні шешу барысында психолог бірнеше бағытта жұмыс істей алады:
1. Тұлғаны жүйелі психодиагностикалық зерттеуден өткізу (топтық, жеке). Мұнда қолданылатын әдістер мен бағдарламалар төмендегілерді анықтауға мүмкіндік береді: - тұлғаның индивидуалды – психологиялық ерекшеліктерін (интеллектуалды потенциалын, конфликтіге түсу деңгейін, қобалжу деңгейін, психологиялық тұрақтылығын, қиын жағдайда әрекет жасау белсенділігін, мінез–құлықтың басты белгілерін, тұлға типін) анықтау; - конфликтідегі мінез – құлқының стратегияларын анықтау; - конфликтілі жағдайдағы әрекетінің жемістілігін болжау.
2. Социометрия және басқа да тиімді әдістерді қолдана отырып ұжымды әлеуметтік психологиялық зерттеу. - ұжым мүшелерінің қарым – қатынас сипатын анықтау; - лидерлер мен аутсайдерлерді анықтау; - зерттелінушілердің мінез – құлқының негізгі типтерін анықтау; - ұжымның әрбір мүшесінің іскерлік және шығармашылық потенциалдарын анықтау.
3. Ұжым мүшелеріне психологиялық кеңес беру мынадай сұрақтар бойынша жүреді: - жеке бас сұрақтарына байланысты (психологиялық жағынан іс - әрекет пен қарым – қатынаста қиыншылықтары бар адамдарға); - әлеуметтік сұрақтарға байланысты (ұжымда және әлеуметтік ортада туындаған қиындықтарға байланысты, одан шығу жолдарын іздестіру);
4. Ұжымға психологиялық оқыту жүргізу семинарлар мен тренингтер түрінде өтеді де, келесі тақырыптарды қамтиды: - адамдармен жұмыс істегенде психотипологиялық ерекшеліктерді ескеру; - коммуникативті компетенттілік; - қарым – қатынас жасаудың стратегиясы мен тактикасы.
5.
Достарыңызбен бөлісу: |
