Аналитикалық химия
жүктеу/скачать 1,06 Mb.
|
- Бұл бет үшін навигация:
- катионының реакциялары 1. HCl әсері.
- Реакцияның орындалуы
| Реакцияның орындалуы: Күміс нитраты ерітіндісінің 2-3 тамшысына мырыш түйіршігін салып, қара тұнба түзілгенін байқап көру.
Hg22+ катионының реакциялары 1. HCl әсері. Сұйытылған тұз қышқылы сынап (I) ионымен ақ тұнба (каломель) түзеді, ол HCI артық мөлшерінде ерімейді: Hg2(NO3)2 + 2 HCl = Hg2Cl2↓ + 2HNO3 Hg22+ + 2Cl- = Hg2Cl2↓ Бірақ азот қышқылында ериді (AgCl, PbCl2 азот қышқылында ерімейді). 3Hg2Cl2↓ + 2HNO3 = 3HgCl2 + 2Hg2(NO3)2 + 2NO + 4H2O Hg2Cl2 аммиак ерітіндісімен суда ерімейтін комплекс түзеді, ақ, кейін қараға айналады: Hg2Cl2 + 2NH4OH = [NH2Hg2]Cl + NH4Cl + 2H2O [NH2Hg2]CI – тұрақсыз, сондықтан ыдырайды: [NH2Hg2]Cl = [NH2HgCl] + Hg↓ Тұнба патша сұйығында ериді: [NH2HgCl] + Hg + 2HNO3 + 4HCl = 2HgCl2 + 2H2O + NH4Cl [ NH2HgCl] + Hg + 2H- -2e → NH4+ + Cl- + 2Hg2+ 1 NO3- + 2H+ + 1e → NO2 + H2O 2 Реакцияның орындалуы: Сынап (I) нитраты ерітіндісінің 1-2 тамшысына сонша HCI ерітіндісін қосып, ақ тұнба түзілгенің байқау. Түзілген тұнбаға 2-3 тамшы аммиак ерітіндісін қосып, тұнбаның қарайғанын байқап көру. 2. NaOH, KOH әсері. Сілтілер әсерінен қара түсті тұнба түзіледі. Түзілген тұнба минералды қышқылда ериді. Hg2(NO3)2 + 2NaOH = Hg2O↓ + 2NaNO3 + H2O Hg22+ + 2OH- = Hg2O↓ + H2O Реакцияның орындалуы: Сынап (I) тұзы ерітіндісінің 1-2 тамшысына 1-2 тамшы KOH (NaOH) ерітіндісін қосып тұнба түзілгенін байқау. 3. NH4OH әсері. Сынап (I) тұздарына NH4OH ерітіндісімен әсер еткенде мына реакциялар жүреді: 2Hg2(NO3)2 + 4NH4OH = [Hg2ONH2]NO3↓ + 2Hg↓ + 3H2O + 3NH4NO3 немесе Hg2Cl2 + 2NH4OH = [NH2Hg2]Cl + NH4Cl + 2H2O [NH2Hg2]Cl = [NH2HgCl] + Hg↓ Бұл реакцияларды Hg22+ иондарына анықтау үшін пайдаланады. Реакцияның орындалуы: Сынап (I) тұзы ерітіндісінің 2-3 тамшысына сонша NH4OH ерітіндісін құяды. 4. KI әсері. Калий йодидімен сары – жасыл түсті тұнба түзеді: Hg2(NO3)2 + 2KI = Hg2I2↓ + 2KNO3 Hg22+ + 2I- = Hg2I2↓ Калий йодидінің артық мөлшерінде мына теңдеу бойынша комплексті қосылыс түзеді: Hg2I2↓ + 2KI = K2[HgI4] + Hg↓ Hg2I2↓+ 2I- = [HgI4]2- + Hg↓ Реакцияның орындалуы: Сынап (I) нитраты ерітіндісінің 2-3 тамшысына сонша калий йодиді ерітіндісін қосып, тұнба түзілгенін байқау. Калий йодиді ерітіндісін тұнбаға тағы қосып, тұнбаның еритінін дәлелдеу. 5. K2CrO4 әсері. Калий хроматы сынап (I) иондарымен қыш-қызыл түсті тұнба түзеді: 2Hg2(NO3)2 + K2CrO4 = Hg2CrO4↓ + 2KNO3 Hg22+ + CrO42- = Hg2CrO4↓ Тұнба азот қышқылы ерітіндісінде ериді. Pb2+, Ba2+, Bi3+, Ag+ т.б. катиондар түсті хроматтар түзеді, сондықтан бұл реакцияға кедергі жасайды. Реакцияның орындалуы: Сынап (I) нитраты ерітіндісінің 2-3 тамшысына 2-3 тамшы калий хроматының ерітіндісін қосып, тұнба түзілгенін байқап көру. 6. Дербес металдардың әсері. Сынап кернеулік қатарда сутектен кейін орналасқан, оның E˚=+0.792B, сондықтан Fe (E˚=-0.47B), Zn (E˚=-0.70B), сонымен қатар мыс та (E˚=+0.345B) оны ерітінділерден бос күйінде бөліп шығарады: Hg2(NO3)2 + 2Cu = 2Cu(NO3)2 + 2Hg↓ Бұл Hg22+ - иондарын анықтау реакциясы. Реакцияның орындалуы: Алдын – ала аммиак ерітіндісімен, сумен тазартылып, құрғатып, сүртілген мыс пластинасына 1 тамшы сынап (I) тұзының ерітіндісін тамызады. Сынап (I) иондары қатысында сынап бос күйінде бөлініп шығып, мыс амальгамасын түзеді. Pb2+ катионының реакциялары 1. HCl әсері Топтық реагент тұз қышқылының әсерінен қорғасын (II) хлориді тұнбаға түседі: Pb(NO3)2 + 2HCl = PbCl2↓ + 2HNO3 Pb2+ + 2Cl- = PbCl2 Концентрлі HCI-дың артық мөлшерінде комплексті қышқыл түзіледі: PbCl2↓ + 2HCl = H2[PbCl4] PbCl2 – ыстық суда жақсы ериді, бұл қасиетті Pb2+ катионын осы топ катиондарынан бөлу үшін пайдаланылады. Реакцияның орындалуы: Қорғасын (II) тұзы ерітіндісінің 2-3 тамшысына 2-3 тамшы HCl ерітіндісін қосып, тұнба түзілуін байқайды. Түзілген тұнбаны ыстық суда ерітіп көріп, ерітіндіні салқындатып, қайтадан тұнбаға түсіру. жүктеу/скачать 1,06 Mb. Достарыңызбен бөлісу:
|