Анықтамалық материал жануарлардың иесіне ауруды балауға және мал
жүктеу/скачать 2,31 Mb. Pdf көрінісі
|
- Бұл бет үшін навигация:
- Остертагиоз
| Гемонхоз
Бұл күйіс қайыратын малдардың ұлтабарында жіңішке нематод гемонханың паразиттенуі әсерінен туатын ауру. Бұл инвазионды ауру көп жағдайда жас малда тіркеледі. Көп ауру мен өлім көктем мен күз кезінде жаңбыр көп жауғанда байқалады, себебі дернәсілдер құрғақ пен суыққа төзімді болғандықтан, олар шөп пен топырақ тереңдігіне көше алады. Ауруды жұқтыру жайылымда шөп пен су,немесе шалшық суларды ішу нәтижесінде дернәсілдерді жұту негізінде болады. Мал ағзасында нематодтар 17-20 тәуліктен кейін жыныстық жетіледі. Ірі қара малда қарқынды инвазия кезінде тәбет пен салмағының төмендеуі, шырышты қабықшалардың бозаруы, тері асты өзектін ісінуі де болуы мүмкін. Диагноз клиникалық-эпизоотологиялық мәліметтер, фекалиялар ларвоскопиясы ( дернәсілдер идентификациясы), нематодтарды анықтау негізінде қойылады. Емдеу үшін ветеринарлы фенотиазинді концентрленген азықпен бірге (жем,күнжара)дене массасының 0,5 г/кг мөлшерінде, ұннан жасалған болюс немесе ұн, крахмал қайнатпасы су ерітіндісі түрінде таңертенгі азықтандырудан бұрын беріледі. Ірі қара малдың гемонхоздан алдын-алу дегельминтизациясы: көктемде жайылымға шығарғанға дейін-барлық ересек малдар мен жас төлдер өткен жылы өрістелген, жазда-ағымдағы жылы туылған бұзаулар (айырудан кейін), күзде- қорада ұстау кезінде барлық малдарды. Емдеу кезінде қолданылған сол антигельминтиктер пайдаланылады. Остертагиоз Бұл ақнематод остертагийдің паразиттік тіршілік етуінен туындайтын ауру. Ауру көбінесе 2 жасқа дейінгі малдарда кездеседі.Ауруды жұқтыру жайылымда және су ішу кезінде қоршаған ортаға шыққан инвазионды дернәсілдерді жұту жолымен жүреді. Ірі қара малдың ұлтабарында дернәсілдер 3 рет түлейді, одан кейін жыныстық жетілген паразиттер ауруды жұқтырғаннан кейін 20 тәуліктен соң ішек саңылауына шығады. Ірі қара малда остертагиоз кезінде әлсіздік, шырышты қабаттың анемиясы, қоңдылығының төмендеуі, кейде жақасты аймағында ісіну байқалады. Бұзауларда ауыр түрде өткенде қатты іш өту ( газ көпіршіктері бар сұйық нәжіс), шөлдеу.Өлім іш өту басталған уақыттан 1 апта өткенде болуы мүмкін. 95 Диагнозды клиникалық-эпизоотологиялық мәліметтер мен флекалиядағы остертагий дернәсілдерін сәйкестендіру негізінде қойылады. Емдеу кезінде ангельминтиктерді келесі мөлшерде қолданады: фенотиазин 0,5 г/кг-нан дене массасына, концентрленген азықтармен қосып (жем,күнжара), ұннан жасалған болюс немесе ұн,крахмал қайнатпасы су ерітіндісі түрінде таңертенгі азықтандырудан бұрын беріледі, нилверм 0,01 г/кг мөлшерінде малдың дене массасына 24 сағат аралықпен екі рет ішке жекелеп беру кезінде 1 %-тік ерітінді түрінде немесе бір салмақтағы 10 малдан тұратын топқа дайындалған азықтық дәрі қоспасы құрамында(1: 700). Алдын-алу мақсатында ағымдағы жылдың бұзауларын жаздың соңы немесе күзде дегельминтизациялайды,ал 1 жастан үлкен жас төлдерді – көктем мен күзде. жүктеу/скачать 2,31 Mb. Достарыңызбен бөлісу:
|