Жоғарыда баяндалғандардың негізінде біз төмендегідей тұжырымдарға келдік

1. Келтірілген жалпы теориялық ережелерге байланысты меншікке қарсы қылмыстылығымен күрес тиімділігін арттыру мәселелерін дайындау толығымен құқық тиімділігі, тактика тиімділігі мен қылмыстылыққа тегеурінді ықпал етудің стратегиясы, меншікке қарсы қылмыстылықтың,оның жеке түрлері туралы концептуалды ұсыныстарға негізделуі тиіс.

2. Меншікке қарсы қылмыстардын сақтандыру қызметінің тиімділігін қоғамдық пікірдің криминологиялық мониторингісіз, азаматтар мен ұйымдардың қауіпсіздігін субъективті сезіну туралы ақпаратын жинамай шынайы бағалау мүмкін емес.

3. Меншікке қарсы қылмыстылықпен күреске және құқық қорғау жүйесін жетілдіруге барынша бағытталу азаматтар мен ұйымдардың қылмыстылық, әшкерелену, шағымдар мен үндеулердің байымды қарастырылу деңгейіне қатысты көрсеткіштерді бақылап, осы ақпаратты күнделікті қызметіне сай қолданылуы тиіс. Сонымен бірге, меншікке қарсы қылмыстылықтан сақтандыру туралы ақпарат ведомстволық үшін ғана емес, кейде азаматтар үшін ғана емес, құқық қорғау органдары қызметкерлері үшін әлі де жабық болып қалып отыр.