Қазақ тіл білімінің өзекті мәселелері манкеева жамал Айтқалиқызы кіріспе
Шәлі – шашақты сәндік орамал. Бөкебай
жүктеу/скачать 4,42 Mb.
|
| Шәлі – шашақты сәндік орамал.
Бөкебай – түбіттен қалың тоқылған қыстық орамал. Бөрік – қымбат бағалы матамен тысталған, әртүрлі бағалы аң терісімен термеленген, әр үлгіде тігілген қыздардың жаздық және қыстық бас киімі. Қалы – қымбат бағалы түкті шәлі. Оқалы бөрік – құндызбен жиектеліп, қызыл не көк масатымен тысталып, төрт сайына тігісін бастырып оқа ұстаған, сайларының аралары алтын, күміс жіптермен кестеленген, шекесіне үкі қадаған қыздардың бас киімі. Шарқат – әйелдердің басқа тартатын үлкен жібек орамалы. Сарапшаң – жұмсақ торғын, жібекпен жылқының қылынан, шуданың қылшығынан тоқылған, қыздар мен келіншектердің бетін шаң-тозаңнан қорғайтын бет перде шаң тимес деп те аталады. Ақбүркеншек – алғаш түскен келінге сәукеле сыртынан жабатын жамылғыш. Қарқара – төбесі биік шошақтау келген, қауырсын қадаған жас әйелдердің, қыздардың сәнді бас киімі. Сылама – өте әдемі, сәнді бас киім. Сығым – жұқа жібек орамал. АЯҚ КИІМДЕР Ер адамның аяқ киімдері Шәркей – көннен тігілген жеңіл аяқ киім. Шоқай – көн теріден бүріп тігілген жұмысқа киетін жеңіл аяқ киім. Шабата – жөкеден, талдан тоқылған жаздық жеңіл аяқ киім. Боршын – қоғадан тоқылған жазғы аяқ киім. Башмақ – үй ішіне киетін өкшесіз жеңіл аяқ киім. Шүбек – үй ішіне киіп жүретін жеңіл аяқ киім. Шұлық – аяқ киімнің ішінен киетін қонышы қысқа жүн тоқыма. Шұлғау – етік кигенде аяқты орайтын мата. Аяқ қайрақ – аяқ киімнің сыртынан киетін, шикі терідеи орап не бүріп тіккен аяқ киім. Бәкі (бөкі) – түйе терісінен жасалған жұмысқа киетін кебіс. Кебіс, кеуіш – мәсінің сыртынан киетін былғарыдан тігілген, ұлтаны қалың өкшелі аяқ киім. Мәсі – етік тәрізді, жұмсақ былғарыдан, ешкі терісінен тігілген өкшесіз, ұлтаны жүқа, кебіспен киетін қонышты аяқ киім. Етік – былғары, көн сияқты материалдардан тігілген, қонышы ұзын, ұлтаны қалың, өкшелі аяқ киім. Түрлері: бастама етік, әмірхан етік, саптама етік, бітеу етік, мықшима етік, кәймәлі етік, көксауыр етік, көн етік, ұлтарған етік, түзу табан етік, қисық табан етік. жүктеу/скачать 4,42 Mb. Достарыңызбен бөлісу:
|