Қазақстан республикасы білім жəне ғылым министрлігі м. Ж. Еркебаев, Қ. С. Құлажанов, Д. Б. Тəттібаева, А. Ы. Мəуленов
Қазақстанның азық-түлік қауіпсіздігін
жүктеу/скачать 1,24 Mb. Pdf көрінісі
|
erkebaeva azyk-tulik shikizaty zhne tagam onimderinin kauipsizdigi
| 1.4. Қазақстанның азық-түлік қауіпсіздігін
қамтамасыз ету критерилері Қазақстан Республикасының жəне оның аймақтарының азық- түлік қауіпсіздігі – халықтың қалыпты тіршілік етуін қамтамасыз етуге мүмкіндік беретін деңгейде, азық-түлікке деген қажеттілікті қанағаттандыруға кепілдік беретін мемлекеттің қабілеті ретінде қарастырылады. Елдің азық-түлік қауіпсіздігін қамтамасыз етудің негізгі критерилеріне: – халықтың қоректі заттар мен энергияға физиологиялық қажеттілігін қанағаттандыру деңгейі, адам денсаулығына қауіпті тағам өнімдеріндегі заттарды ең төменгі деңгейге түсіріп, адам тамағының рационына сəйкестендіру; – тағам өнімдерінің физикалық жəне экономикалық тұрғыдан халықтың түрлі топтарына қолжетімді болуы, Қазақстанның азық- түлік нарығында бағаның тұрақты болуы; – азаматтарды тағам өнімдерімен қамтамасыз етуді тəуелсіз ету деңгейі жəне агроөнеркəсіптік кешенді ресурспен қамтамасыз ету арқылы шетелден сатып алынатын тауарлардан тəуелсіз ету деңгейі; – отандық агроөнеркəсіптік кешен салаларының даму деңгейі 14 жəне қарқыны, олардың кеңейтілген түрде ұдайы өндірілуін қамтамасыз ету мүмкіндіктері; – мемлекеттің стратегиялық азық-түлік қорларының жəне жеделдетілген (оперативті) азық-түлік қорларының өлшемдері жа- тады. Ұлт денсаулығын сақтау жəне нығайту үшін аймақтардың құрылымымен келісілген, табиғи жəне экономикалық жағдайларды, демографиялық ерекшеліктерді, еңбек қызметінің түрлерін жəне ұлттық дəстүрлерін ескере отырып, толық құнды тағаммен қамтамасыз ету қажет. Адам ағзасының қоректік компоненттерге жəне энергияға деген физиологиялық қажеттілігін қанағаттандыра отырып, бір уақытта тағам өнімдері ауруды алдын алу жəне емдік қызмет атқаруы тиіс. Экстремалды жағдайда жұмыс істейтін жұмысшылар, балалар, кəрі жастағы адамдар жəне созылмалы аурумен ауыратын науқастардың тиімді тамақтануын ерекше назарға алу қажет. Азаматтар тамақтануының минималды рұқсат етілетін деңгейі ретінде тұтыну нормасы қабылданады, ол тағам өнімдерінің саны жəне ассортименті, құрамындағы қоректік заттары мен энергети- калық жеткіліктілігі бойынша минималды тұтыну кəрзеңкесін есеп- тегенде шығады. Азық-түлікті тұтыну қауіпсіздігін сипаттайтын параметрге тағам өнімдеріндегі денсаулыққа зиянды заттардың шекті рұқсат етілетін мөлшері жатады. Адамдардың тағамдық заттар жəне энергияға физиологиялық қажеттілігін қанағаттандыруды шешу міндеті – тұтынушылар үшін тағам өнімдерінің қажетті мөлшерін жəне ассортиментінің физикалық жəне экономикалық қолжетімді болуын қамтамасыз етуді талап етеді. жүктеу/скачать 1,24 Mb. Достарыңызбен бөлісу:
|