ІV бөлім
Ұлағатты ойлар
(жиған-терген
қоржынынан)
Өткендерімізге – құрмет,
Қазіргілерімізге – тәлім,
Ұрпақтарымызға – аманат.
ІV бөлім
Ұлағатты ойлар
(жиған-терген қоржынынан)
Кіріспе
1
Бізден бұрынғы өмір сүрген ғұлама-ойшылдар, ақын жазушылар, сөз зергерлері мирас етіп қалдырып кеткен асыл қазыналарынан, оқығандарымның ішінен өзіме ұнаған және келер ұрпақтың қажетіне жарар деген еңбектерін, сөздерін теріп және оған өзімнің де өмірден тоқығандарымды, көзім көріп байқағандарымды қосып осы қағазға түсіруді ниет еттім.
Адам баласының бақытқа қолының жетуінің маңызды шарттарының бірі – жеке адамның өзін-өзі өмірге дайындауы, тәрбиелеуі, баптауы арқылы дамуы десек, осы жиған-тергендерімнің келер ұрпақтар үшін атқарар қызметі зор болмақ. Біздің өмір сүрген айналамызда әрқайсымыздың қатынасуымызбен, немесе тіпті, қатынасуымызсыз-ақ болып жататын оқиғалардың бәріне ойлы көзбен қарап, жақсы-жарасымды жақтарынан үйрене алсақ, жайсыз-жағымсыз қылықтардан жирене білсек – адамша өмір сүре білу деген осы болады. Мұнда жазылғандар жастардың білімі мен дұрыс дағдылар шыңына бет алған қозғалыстарының бір баспалдағы. Шыңды бағындыру мұқият дайындықты, табандылықты, ерік-жігерді, білімді т.т. қажет етеді. Сендердің бұл сапарларыңда бұл «қазына» сенімді серік болса еңбегімнің ақталғаны, ізгі арманымның орындалғаны.
Бұл еңбек үстірт оқи салуға келмейтін, керісінше, шын ниетіңмен асықпай, ой көзімен көріп, өлшеп, қортытып, мән-мағынасына жете оқуды талап етеді. Сонда ғана заманға сай, лайықты, қалай өмір сүру керек деген аса маңызды сұраққа жауап табылмақ.
Мұндай шыңды бағындыруға сендерге шынайы сәт-сапар тілеймін, құрметті оқырман.
Достарыңызбен бөлісу: |
