-кесте. Тәуелсіз Қазақстанда мектепке дейінгі мекемелерде қолданылатын бағдарламалар

Бағдарламада мектеп жасына дейінгі баланың жетекші әрекеті — ойын түрлерін арнайы ұйымдастырылған сабақтар барысында кеңінен қолдану, сондай-ақ, күні бойындағы басқа уақыттарда алуан түрлі ойындар ұйым-дастыруға, өз бетімен ойнауына, дербес әрекет етуіне, шығармашылық іс-әрекеттермен айналысуға жағдай туғызу қажеттігі баса көрсетілген. Себебі, ойын барысында баланың дене және рухани жан дүниесі, ақыл-есі, ой-қиялы дамиды, тұлғалық бейнесі қалыптасады. Ойын баланың қоғамдық тәжірибені меңгеру тәсілі, яғни, ол өзгелердің пікірімен санасуға, ортақ тіл табысуға, шешім қабылдауға, т.б. көптеген әлеуметтік, өмірлік дағдыларға осы ойын арқылы қол жеткізеді. Бағдарламада бала құқығын қорғау мәселесі бойынша, баланың еркімен санасу, оның талап-тілегіне, жеке-дара ерекшелігіне назар аударып, бағыт беріп отыру, дербес әрекетін дамыту, жеке тұлғасын қалыптастыру мәселелері көзделген білім мазмұнының аясына алынды.