«МАТЕМАТИКА» ЖӘНЕ МАТЕМАТИКАЛЫҚ САУАТТЫЛЫҚ

Математика пән ретінде оқушыларға бастапқы білім берудегі маңызды мақсаттар мен мәселелерге елеулі әсер етеді. Математиканы бастауышта оқыту сыни ойлауды дамытуға, бастапқы зерттеу және қарым-қатынас жасау дағдыларын қалыптастыруға, математикалық білімді өмірде қолдануға ықпал етеді. Математика курсын оқи отырып, бастауыш сынып оқушылары талдау, жинақтау, жіктеу, салыстыру, себеп-салдарлық байланыстар мен заңдылықтарды анықтауды үйренеді, қоршаған әлемнің әртүрлі пәндері мен құбылыстарын сипаттау үшін математикалық тіл негіздерін игереді, оқу қабілетінің негізін құрайтын білім мен әрекет ету тәсілдерін меңгереді.

1. 
   логикалық ойлауды, кеңістіктік қиялды, математикалық терминдерді қолдана білуді және математиканы әлемді бейнелеу, модельдеу және түсіну тәсілі ретінде қабылдауды дамыту;
   
2. 
   оқу проблемалары мен практикалық мәселелерді шешу, арифметикалық алгоритмдерді қолдану, геометриялық құрылымдарды орындау және математикалық зерттеу жүргізу қабілетін дамыту;
   
3. 
   сыни ойлауды және шығармашылық қабілеттерді дамыту; 
   
4. 
   күнделікті өмірде және басқа пәндерді оқуда математикалық білім мен дағдыларды қолдану тәсілдерін үйрету; 
   
5. 
   жеке тұлғалық қасиеттерді дамыту: қызығушылық, мақсаттылық, жауапкершілік, сенімділік, тәуелсіздік;
   
6. 
   түсіну, түсіндіру, талдау, жинақтау, жіктеу, қолдану және айқындау үшін қажетті когнитивтік дағдыларды дамыту;
   
7. 
   коммуникативтік және әлеуметтік дағдыларды дамыту: командада жұмыс істеу, өз көзқарасын білдіру, басқа адамдардың пікірін құрметтеу, көшбасшылық қасиеттерді көрсету, өз жұмысын жазбаша және ауызша түрде ұсыну дағдылары;
   
8. 
   ақпаратты іздеу және іріктеу, өз уақытын басқару және өзін-өзі реттеу дағдыларын дамыту.
   

1. 
   Сандар мен шамалар.
   
2. 
   Алгебра элементтері.
   
3. 
   Геометрия элементтері.
   
4. 
   Жиындар. Логика элементтері.
   
5. 
   Математикалық модельдеу [73].