Бухгалтерлік есеп
жүктеу/скачать 2,74 Mb. Pdf көрінісі
|
- Бұл бет үшін навигация:
- I БӨЛІМ. ҚЫСҚА МЕРЗІМДІ АКТИВТЕР
- Ақша қаражаттары мен қысқа мерзімді инвестициялардың көбеюі а)
- Мысал
- Мысалдар
- Материалдық қорлар мен қысқа мерзімді дебиторлық берешектердің көбеюі а)
3) Активті шоттар дебетте көбейеді (қосылады), ал кредитте кемиді (шығыс етіледі). Пассивті шоттар дебетте кемиді (төленеді), ал кредитте көбейеді (есептеледі). (№ 2 кестеге сәйкес). 4) Шаруашылық операциялардың 4 типін есімізге түсірейік: а) бірінші «Активті-активті» тип кезінде баланстың активінде тек қана өзгеріс болады [А (+) — А (-)]; ә) екінші «Пассивті-пассивті» тип кезінде баланстың пассивінде тек қана өзгеріс болады [П (-) — П (+)]; б) үшінші «Активті-пассивті» тип кезінде баланстың активі мен пассивінде көбею жағына өзгерістер болады [А (+) — П (+)]; в) төртінші «Пассивті-активті» тип кезінде баланстың активі мен пассивінде кему жағына өзгерістер болады [П (-) — А (-)] (№ 3 кестеге сәйкес); 5) Кез келген шаруашылық операциялар жасалған кезде баланстың активі мен пассивінің теңдігі барлық уақытта міндетті түрде сақталады. Оны мынадай фактімен салыстыруға болады: бір ыдысқа қанша су құйылса да судың беті тегіс болып қала береді. Енді қажетті белгілі жағдайларды есімізге түсіргеннен кейін шаруашылық операциялар (проводкалар) жасаудың әдістемесіне кірісеміз. Ол үшін кестені белсенді пайдаланамыз. Уақытты үнемдеу мақсатында қажетті бөлімшелерді қараймыз, ал қалғандары үшін шоттардың Жұмыс жоспарындағы олардың орнына сілтеме жасаймыз. 162 I БӨЛІМ. ҚЫСҚА МЕРЗІМДІ АКТИВТЕР Бұл тарау активті және 6 (№ 10, 11, 12, 13, 14, 15, 16) бөлімшелерден тұратындығы кестеден көрініп тұр. Қысқа мерзімді активтерге ақша қаражаттары, қысқа мерзімді инвестициялар, тауар-материалдық қорлар мен қысқа мерзімді дебиторлық берешектер жатады. Олар актив болып табылады және активті шоттарда бейнеленеді. Қысқа мерзімді активтердің келуін (көбеюін) қараймыз Аталған жағдайда олар дебет бойынша өтеді. Бұл жерде біз қар- жылық инвестициялар мен ақша қаражаттарының келу (көбею) көз- деріне назар аударуымыз керек. Ақша қаражаттары мен қысқа мерзімді инвестициялардың көбеюі а) сатып алушылар және алынған аванстар есебінен. Бұл ша- руашылық операциялар № 1210 «Сатып алушылардың қысқа мерзімді дебиторлық берешегі» активті және № 3510 «Алынған қысқа мерзімді аванстар» пассивті шоттарда бейнеленеді. Проводка төмендегіше болады: Дт Кт Құжаттар 1010, 1040 — 1210, 3510 Төлем тапсырмалары, кіріс кассалық ордерлер, салыстыру актісі Жазудың дұрыстығын тексереміз: дебеттік жағында активті және пассивті шоттар орналасқан. Активті шот (№ 1210) орналасқан кезде 1 типті «Активті-активті» операция орын алады, яғни баланстың активінде тек қана өзгерістер болады (бір жағынан ақша қаражаттары көбейеді, ал екінші жағынан бір мезгілде сол сомада сатып алушылардың дебиторлық қарыздары кемиді). Пассивті шот (№ 3510) орналасқан кезде баланстың активі мен пассиві көбейетін 3 типті «Активті-пассивті» операция орын алады 163 (бір жағынан ақша қаражаттары, ал екінші жағынан бір мезгілде сол сомаға алынған аванстар бойынша кредиторлық қарыздар көбейеді). Бұл жағдай жазудың дұрыстығын білдіреді. Мысалдар келтіреміз: 1) кәсіпорынның есеп айырысу шотына 2005 жылы қыркүйек айының 21 жұлдызындағы № 396 төлем тапсырмасына сәйкес, сатып алушылардан 890000 теңге сомада ақша келіп түсті. Бұл жағдайда бухгалтерлік жазу төмендегіше болады: Дт Кт Сома Ескерту 1040 — 1210 = 890000 1 типті операция А (+) А (-) 2) кәсіпорында 2005 жылы наурыздың 24 жұлдызындағы № 639 төлем тапсырмасы мен келісім шарттарына сәйкес, 1400000 теңге сомада тауар-материалдық қорларды жеткізіп беру үшін аванстар алынды. Бұл жағдайда бухгалтерлік жазу төмендегіше болады: Дт Кт Сома Ескерту 1040 — 3510 = 1400000 3 типті операция А (+) П (+) ә) Банктердің және банктерден тыс несиелерінен. Бұл есептер № 3010, 3020 «Банктік қарыздар» пассивті шоттарында бейнеленеді. Активтер несиелер нәтижесінде пайда болатындықтан, шаруашы- лық операцияның жазуы № 1040 шоттың дебетіне № 3010—3020 шоттардың кредитінен жасалады. Проводка төмендегіше болады: Дт Кт Құжаттар 1040 — 3010, 3020 Банктердің келісім шарттары, есептер, төлем тапсырмалары Жазудың дұрыстығын тексереміз: кредиттік жағында тек қана пассивті шоттар орналасқан. Пассивті шот (№ 3010, 3020) орналасқан кезде баланстың активі мен пассиві көбейетін 3 типті «Активті- пассивті» операция орын алады (бір жағынан ақша қаражаттары, ал екінші жағынан бір мезгілде сол сомаға несиелер бойынша 164 кредиторлық қарыздардың көлемі көбейеді). Бұл жағдай жазудың дұрыстығын білдіреді. Мысал келтіреміз: кәсіпорында 2005 жылы мамырдың 16 жұл- дызындағы № 861 төлем тапсырмасы мен банктің келісім шартына сәйкес, 3000000 теңге сомада банктен қысқа мерзімді несие алынды. Бұл жағдайда бухгалтерлік жазу төмендегіше болады: Дт Кт Сома Ескерту 1040 — 1210 = 3000000 3 типті операция А (+) П (+) б) Қолма-қол ақшаға тауарлар мен бағалы қағаздарды өткізуден. Бұл есептер № 6010 «Өнімдерді сатудан және қызмет көрсетуден алынатын кіріс», 6110 «Сыйақылар бойынша кірістер» пассивті шоттарында бейнеленеді. Кірістер активтерді өткізу нәтижесінде пайда болатындықтан, шаруашылық операцияның жазуы № 1040 шоттың дебетіне № 6110 шоттың кредитінен жасалады. Проводка төмендегіше болады: Дт Кт Құжаттар 1010 — 6110 Кассалық чектер, бағалы қағаздардың реестрі Жазудың дұрыстығын тексереміз: кредиттік жағында тек қана пассивті шоттар орналасқан. Пассивті шот (№ 6110) орналасқан кезде баланстың активі мен пассиві көбейетін 3 типті «Активті- пассивті» операция орын алады (бір жағынан ақша қаражаттары, ал екінші жағынан бір мезгілде сол сомаға өнім мен бағалы қағаздарды өткізудің көлемі көбейеді). Бұл жағдай жазудың дұрыстығын білдіреді. Мысал келтіреміз: кәсіпорынның ұсақ саудасы кезінде кассаға 2005 жылы тамыз айының 1 жұлдызындағы тауар-ақша есебіне сәйкес, 1280000 теңге сомада тауарлар өткізуден қолма-қол ақша түсті. Бұл жағдайда бухгалтерлік жазу төмендегіше болады: Дт Кт Сома Ескерту 1010 — 6010 = 1280000 3 типті операция А (+) П (+) 165 в) Қойылған талап айыптарды өндіру немесе активтерді қай- тарымсыз түрде алу есебінен. Бұл есептер № 6280 «Басқа да кі- рістер» пассивті шотында бейнеленеді. Активтер негізгі емес қыз- меттен түскен табыстардың нәтижесінде пайда болатындықтан, шаруашылық операцияның жазуы № 1010, 1040 шоттардың де- бетіне № 6280 шоттың кредитінен жасалады. Проводка төмендегіше болады: Дт Кт Құжаттар 1010, 1040 — 6280 Төрелік соттың шешімі, қабылдау-өткізу актісі Жазудың дұрыстығын тексереміз: кредиттік жағында тек қа- на пассивті шот орналасқан. Пассивті шот (№ 6280) орналасқан кезде баланстың активі мен пассиві көбейетін 3 типті «Активті- пассивті» операция орын алады (бір жағынан ақша қаражаттары, ал екінші жағынан бір мезгілде сол сомаға негізгі емес қызметтен түскен табыстардың көлемі көбейеді). Ал, бұл жағдай салық салу мөлшерінің көбеюін көрсетеді. Демек, жазу дұрыс жасалған. Мысалдар келтіреміз: 1) еншілес ұйымның кассасына жаңалық енгізу мақсаттарына 2005 жылы ақпан айының 23 жұлдызындағы қабылдау-өткізу актісіне сәйкес, бас кәсіпорыннан қайтарымсыз түрде 2700000 теңге сомада қолма-қол ақша келіп түсті. Бұл жағдайда бухгалтерлік жазу төмендегіше болады: Дт Кт Сома Ескерту 1010 — 6280 = 2700000 3 типті операция А (+) П (+) 2) Төрелік соттың шешімімен кәсіпорынға 2005 жылы наурыз айының 16 жұлдызындағы № 7 хаттамасына сәйкес, 45000 теңге мөлшерде келісім шарттарын бұзғаны үшін қойылған талап айып өндіріліп, кассаға қабылданды. Бұл жағдайда бухгалтерлік жазу төмендегіше болады: Дт Кт Сома Ескерту 1010 — 6280 = 45000 3 типті операция 166 А (+) П (+) г) Қаржылық инвестициялардың келуі. Бұл есептер № 1110, 1150 «Қысқа мерзімді қаржылық инвестициялар» активті шоттарында бейнеленеді. Активтер бағалы қағаздарды сатып алу немесе сатып алушымен материалдық емес активтер, негізгі құралдар мен материалдық ресурстарды ұсыну нәтижесінде пайда болатындықтан, шаруашылық операциялардың жазылуы № 401—403 шоттардың дебетіне № 1010, 1040, 1310—1315, 1317, 1320, 1330, 2411—2417 шот- тардың кредитінен жасалады. Бухгалтерлік жазу төмендегіше болады: Дт Кт Құжаттар 1010, 1040, 1110, 1150 1310—1315, 1320, Келісімдер, реестрден 1330, 2411-2417 көшірмелер, қабылдау-өткізу актілері, жүкқұжаттар, шоттар Жазудың дұрыстығын тексереміз: кредиттік жағында тек қана активті шоттар орналасқан. Бұл жағдайда (№ 1310-11315) 1 типті «Активті-активті» операция орын алады, яғни баланстың активінде тек қана өзгерістер болады (бір жағынан қаржылық инвестициялар көбейеді, екінші жағынан бір мезгілде сол сомада материалдық ресурстардың көлемі кемиді). Бұл жағдай жазудың дұрыстығын білдіреді. Мысалдар келтіреміз: 1) кәсіпорында 2005 жылы шілде айының 30 жұлдызындағы № 16а реестрі мен сол жылы осы айдың 6 жұлдызындағы № 1039 төлем тапсырмасына сәйкес, 3600000 теңге сомада номиналдық құн бойынша акциялар сатып алынды. Бұл жағдайда бухгалтерлік жазу төмендегіше болады: Дт Кт Сома Ескерту 1150 — 1040 = 3600000 1 типті операция А (+) А (-) 2) кәсіпорында 2005 жылы қыркүйек айының 12 жұлдызындағы көлік құралын бағалау және № 6 қабылдау-өткізу актісіне сәйкес, 1700000 теңге сомаға номиналды құн бойынша акциялар сатып 167 алынды. Бұл жағдайда бухгалтерлік жазу төмендегіше болады: Дт Кт Сома Ескерту 11150 — 2412 = 1700000 1 типті операция А (+) А (-) 3) кәсіпорында 2005 жылы қараша айының 16 жұлдызындағы құрылыс материалдарын бағалау және № 19 қабылдау-өткізу актісіне сәйкес, 2900000 теңге сомаға номиналды құн бойынша акциялар сатып алынды. Бұл жағдайда бухгалтерлік жазу төмендегіше болады: Дт Кт Сома Ескерту 1150 — 1317 = 2900000 1 типті операция А (+) А (-) д) Қаржылық инвестицияларды қайта бағалаудан. Бұл есептер № 1110, 1150 «Қысқа мерзімді қаржылық инвестициялар» активті шоттарында бейнеленеді. Активтер бағалы қағаздарды қайта бағалау нәтижесінде пайда болатындықтан, шаруашылық операциялардың жазылуы № 1110, 1150 шоттардың дебетіне № 5320 шоттың кре- дитінен жасалады. Проводка төмендегіше болады: Дт Кт Құжаттар 1110, 1150 — 5320 Бағалы қағаздарды қайта бағалаудың есебі Жазудың дұрыстығын тексереміз: кредиттік жағында тек қана пассивті шот орналасқан. Бұл жағдайда (№ 5320) баланстың активі мен пассиві көбейетін 3 типті «Активті-пассивті» операция орын алады. Бір жағынан кәсіпорынның активтері, екінші жағынан сол сомаға қайта бағалаудың көлемі көбейеді. Бұл жағдай жазудың дұрыстығын білдіреді. Мысал келтіреміз: кәсіпорында ҚР-ның Үкіметімен 2005 жылы қазан айының 10 жұлдызында енгізілген қайта бағалау нәтижесінде 2005 жылы қазан айының 30 жұлдызындағы № 16а реестріне сәйкес есептер бойынша 320000 теңге сомаға сатып алынған бағалы қағаздардың қайта бағалауы жасалды. Бұл жағдайда бухгалтерлік 168 жазу төмендегіше болады: Дт Кт Сома Ескерту 1150 — 5320 = 320000 3 типті операция А (+) П (+) Материалдық қорлар мен қысқа мерзімді дебиторлық берешектердің көбеюі а) Жеткізушілерден. Жеткізушілермен есеп айырысу № 3310 «Жеткізушілерге қысқа мерзімді кредиторлық берешек» пассивті шотында бейнеленеді. Активтер жеткізушілерден келгендіктен, шаруашылық операция № 1310–1315, 1317, 1330 шоттардың дебетіне № 3310 шоттың кредитінен жасалады. Жазу төмендегіше болады: Дт Кт Құжаттар 1310–1315 1317 3310 Шот-фактура 1330 Жазудың дұрыстығын тексереміз: кредиттік жағында пассивті шот орналасқан. Демек, баланстың активі мен пассивінде көбею жағына өзгерістер болатын 3 типті «Активті-пассивті» операция орын алады. Бір жағынан материалдық қорлар, ал екінші жағынан бір мезгілде жеткізушіге кредиторлық қарыз көбейеді. Бұл жағдай жазудың дұрыс жасалғанын білдіреді. Мысал келтіреміз: кәсіпорын жеткізушіден 2005 жылы наурыз айының 29 жұлдызындағы № 49 шот-фактура бойынша 600000 теңге сомаға материалдар (тауарлар) алды. Бұл жағдайда бухгалтерлік жазу төмендегіше болады: Дт Кт Сома Ескерту 1310, 1330 — 3310 = 600000 3 типті операция А (+) П (+) Ескерту: аяқталмаған өндіріс жеткізушіден келуі мүмкін емес (өйткені, ол аяқталмаған элемент болып табылады), ол негізгі 169 өндірістен келеді. ә) Материалдық қорлар, аяқталмаған өндіріс, дайын өнім субъек- тінің өзімен жасалады. Материалдық келу көздері: есепті сомалар, ақша қаражаттары, өзара есеп айырысулар, еңбекақы, кредиторлық қарыз, калькуля- циялық шығындар болуы мүмкін. Демек, шаруашылық операцияның жазылуы төмендегіше болады: Дт Кт Құжаттар 1310—1315 (1010, 1250, 3350, 3390, 8010) жүкқұжаттар, 1317 еңбекақы бойынша есеп айырысу, калькуляциялар Аяқталмаған өндірістің, дайын өнімнің келу көздері: негізгі және көмекші өндірістер. Демек, шаруашылық операцияның жазылуы төмендегіше болады: Дт Кт Құжаттар 1340 8020—8030 Аяқталмаған өндірісті шығыс ету есептері 1320 8010—8030 Техникалық бақылау бөлімінің қабылдау актісі Жазудың дұрыстығын тексереміз: кредиттік жағында активті және пассивті шоттар орналасқан. Активті шот (№ 1040, 1250, 8010 және т.б.) орналасқан кезде баланстың активінде тек қана өзгерістер болатын 1 типті «Активті-активті» операция орын алады, яғни ресурстар материалдық қорларға айналады. Пассивті шот (№ 3320, 3350, 3390 және т.б.) орналасқан кезде баланстың активі мен пассивінде көбею жағына өзгеріс болатын 3 типті «Активті-пассивті» операция орын алады, яғни материалдық қорлардың көлемімен қатар бір мезгілде кредиторлық қарыздар көбейеді. Бұл жағдай, жазудың дұрыстығын білдіреді. Мысалдар келтіреміз: 1) кәсіпорында 2005 жылы қыркүйектің 30 жұлдызында 480000 теңге мөлшерде аяқталмаған өндірістің қалдық құны шығыс етіледі. 170 Бұл жағдайда бухгалтерлік жазу төмендегіше болады: Дт Кт Сома Ескерту 1340 — 8010 = 480000 1 типті операция А (+) А (-) 2) 2005 жылы шілде айының 30 жұлдызында техникалық ба- қылау бөлімінің актісіне сәйкес, негізгі және көмекші цехтармен шығарылған дайын өнім 1600000 теңге мөлшердегі нақты өзіндік құн бойынша кіріске алынып, қоймаға қабылданды. Бұл жағдайда бухгалтерлік жазу төмендегіше болады: Дт Кт Сома Ескерту 1320 — 8010,8030 = 1600000 1 типті операция А (+) А (-) б) Тауар-материалдық қорлар капиталға салым ретінде енгізі- леді. Бұл жағдайда қорлардың келу көзі кәсіпорынның жарғылық капиталына құрылтайшылардың салымдары болып табылады. Бұл № 5020 «Төленбеген капитал» шоты оның төленбейтіндігін білдіре отырып, шаруашылық субъектінің жарғылық капиталына салым ретінде енгізілгенін, ал оның қызметі тоқтауған жағдайда меншік иелеріне қайтарылатындығын білдіреді. Дт Кт Құжаттар 1310—1315 5020 Құрылтай құжаттары, қабылдау- 1317 өткізу актісі, жүкқұжаттар, бағалау актісі Жазудың дұрыстығын тексереміз: кредиттік жағында пассивті шот орналасқан. Демек, баланстың активі мен пассивінде көбею жағына өзгерістер болатын 3 типті «Активті-пассивті» операция орын алады. Бір жағынан материалдық қорлар, ал екінші жағынан бір мезгілде құрылтайшылар салымдарының көлемі көбейеді. Бұл жағдай жа- 171 зудың дұрыс жасалғанын білдіреді. Мысал келтіреміз: кәсіпорынның жарияланған капиталына құрылтайшылар тарапынан салымдар ретінде 2005 жылы қазанның 28 жұлдызындағы құрылтай құжаттар, бағалау актісі мен № 135 жүкқұжатына сәйкес, 1200000 теңгеге құрылыс материалдары енгізілді. Бұл жағдайда бухгалтерлік жазу төмендегіше болады: Дт Кт Сома Ескерту 1317 — 5020 = 1200000 3 типті операция А (+) П (+) в) Тауар-материалдық қорлар қолма-қол ақшаға алынды. Бұл жағдайда келудің көзі жеке тұлғалармен қолма-қол ақшаның төлемі болып табылады. Шаруашылық операцияның жазылуы төмендегіше болады: Дт Кт Құжаттар 1310—1315 1010 Кассалық құжаттар, 1317, 1330 жүкқұжаттар, бағалау актісі Жазудың дұрыстығын тексереміз: кредиттік жағында активті шот орналасқан. Бұл жағдайда 1 типті «Активті-активті» операция орын алады, яғни баланстың активінде тек қана өзгерістер болады (яғни, ақша қаражаттары тауар-материалдық қорларға айналады). Бұл жағдай жазудың дұрыстығын білдіреді. Мысал келтіреміз: кәсіпорын жеке тұлғалар арқылы 2005 жылы сәуір айының 13 жұлдызында № 118 жүкқұжатына сәйкес, 600000 теңгеге әртүрлі тауарлар сатып алды. Бұл жағдайда бухгалтерлік жазу төмендегіше болады: Дт Кт Сома Ескерту 1330 — 1010 = 600000 1 типті операция А (+) А (-) г) Тауар-материалдық қорлар қайтарымсыз түрде қабылданды. Бұл жағдайда келу көзі оларды сырттан жеке және заңды тұл- ғалар тарапынан қайтарымсыз түрде берілуі болып табылады. Ал, бірдеңенің қайтарымсыз түрде алынуы шаруашылық субъект үшін негізгі емес қызметтен түскен табыс болып саналады және оған 172 салық салынады. Дт Кт Құжаттар 1310–1315 6230, 6280 Жолдама құжаттар, қабылдау- 1317 өткізу актісі, жүкқұжаттар, бағалау актісі Жазудың дұрыстығын тексереміз: кредиттік жағында пассивті шоттар орналасқан. Демек, баланстың активі мен пассивінде көбею жағына өзгерістер болатын 3 типті «Активті-пассивті» операция орын алады. Бір жағынан тауар-материалдық қорлардың көлемі, ал екінші жағынан бір мезгілде негізгі емес қызметтен түскен табыстың мөлшері көбейеді. Бұл жағдай жазудың дұрыс жасалғанын білдіреді. жүктеу/скачать 2,74 Mb. Достарыңызбен бөлісу:
|