Бухгалтерлік есеп

62
Қайталау үшін сұрақтар:
1.  №  1040  «Ағымдағы  банктік  шоттардағы  теңгемен  ақша 
қаражаты» шотында қалдық нені білдіреді?
2.  №  1040  «Ағымдағы  банктік  шоттардағы  теңгемен  ақша 
қаражаты» шотының дебеті бойынша нелер жазылады?
3.  №  1040  «Ағымдағы  банктік  шоттардағы  теңгемен  ақша 
қаражаты» шотының кредиті бойынша нелер жазылады?
4.  №  1040  «Ағымдағы  банктік  шоттардағы  теңгемен  ақша 
қаражаты»  шотының  жәрдемімен  кассадан  қолма-қол  ақшаны 
алу  және  олардың  жұмсалмаған  қалдығын  қайта  өткізуді  қалай 
бейнелейді?
5.  №  1040  «Ағымдағы  банктік  шоттардағы  теңгемен  ақша 
қаражаты»  шотында  банктің  несиелерін  алу  және  төлеуін  қалай 
бейнелейді?
27. Валюталық шоттардағы ақша қаражаттарының есебі
№  1050  «Ағымдағы  банктік  шоттардағы  валютамен  ақша  қа-
ражаты»  шотында  шетелдік  валютадағы  операциялар  есепке 
алынады.  Бір  уақытта  олар  операцияны  жасау  күніне  жүретін 
Қазақстан Республикасы Ұлттық Банкінің бағамы (курсы) бойынша 
теңгеде  бейнеленеді.  Бұл  №  1050  «Ағымдағы  банктік  шоттардағы 
валютамен  ақша  қаражаты»  шоты  активті  екенін  еске  саламыз. 
Олардың  дебеті  бойынша  валютаның  келуі,  кредит  бойынша  — 
шығыс  етілуі  бейнеленеді.  Әрбір  шетел  валютасы  бойынша  оған 
қосымша аналитикалық есеп жүргізу қажет. 
Бағамдық айырма № 6250 «Бағамдық айырмадан түскен кірістер» 
шотына  апарылады  және  өткізуден  тыс  табыстардың  (негізгі  емес 
қызметтің табыстары)  жеке бабы ретінде бейнеленеді.
 
Қайталау үшін сұрақтар:
1.  №  1050  «Ағымдағы  банктік  шоттардағы  валютамен  ақша 
қаражаты» шоттардың дебеті бойынша нелер бейнеленеді?
2. Қандай жағдайларда № 1050 «Ағымдағы банктік шоттардағы 
валютамен ақша қаражаты» кредиттеледі?
3. № 1050 «Ағымдағы банктік шоттардағы валютамен ақша қара-
жаты» шоттарға аналитикалық есепті жүргізу қандай жағдайларда 
ұсынылады?

63
4.  Бағамдық  айырма  пайда  болу  жағдайында  қай  шоттар 
дебеттеледі және кредиттеледі?
28. Кассалық операциялар жүргізудің тәртібі
Қолма-қол  ақшаны  қабылдау,  сақтау  және  жұмсау  үшін 
кәсіпорында  касса  болады.  Қолма-қол  ақшамен  жұмыс  істеу 
ережелері ҚР Ұлттық банкінің нұсқауымен бекітілген.
Нұсқау мыналарды ұйғарады:
— ҚР банк мекелерінде барлық ақша қаражаттарын сақтау;
— чекте көрсетілген мақсаттарға, банктерден алынатын қолма-
қол ақшаларды жұмсау;
—  банк мекемелерімен бекітілген лимиттер шегінде кәсіпорын-
ның кассасында қолма-қол ақшаны сақтау;
— кассалық құжаттарды дайындау және қолма-қол ақшаны қа-
былдау мен беру тәртібі;
— ақша қаражаттарын сақтау мен тасымалдау кезінде олардың 
түгелдігін қамтамасыз ету бойынша көрсетулер;
— кәсіпорын кассаларының орнын жабдықтау тәртібі.
Кассир  жұмысқа  орналасқан  кезде  кассалық  операцияларды 
жүргізу  ережелерімен  танысып  және  кәсіпорын  әкімшілігімен 
толық  жеке  материалдық  жауапкершілік  туралы  келісім  шартқа 
отыруға тиісті. Ол өзі қабылдаған құндылықтардың түгелдігі үшін 
Материалды жауапты болады. 
Кассалық операцияларды дайындау кезінде төмендегі құжаттар 
пайдаланылады:
— кіріс кассалық ордерлер;
— шығыс кассалық ордерлер;
— кіріс және шығыс кассалық ордерлерді тіркеу журналы;
— кассалық кітап.
Кассаға қолма-қол кіріс кассалық ордер бойынша қабылданады, 
ал  шығыс  етілуі  —  шығыс  кассалық  ордерлер  арқылы  жасалады. 
Оларға ақша алу немесе беруге негіз болған құжаттар қоса тігіледі.
Ақша  өткізетін  түлғаға  кіріс  кассалық  ордердің  бөлігі  болатын 
жыртылмалы квитанция беріледі.
Қолма-қол ақша беру кезінде шығыс кассалық ордер немесе оған 
қоса тігілетін құжаттарда қаржы басқарушының қолтаңбасы болуы 
тиіс. Құжаттарға келсек, олар қайта пайдалану мүмкіндігін болдыр-

64
майтын күні, айы, жылы белгіленген «Алынды» немесе «Төленді» 
таңбасымен  жойылады.  Кіріс  және  шығыс  кассалық  ордерлерде 
ешқандай өшірулер мен түзетулерге жол берілмейді. 
Егер ақша бұл кәсіпорында жұмыс істемейтін тұлғаға берілетін 
жағдайда, сол шығыс ордерінде реквизиттері жазылатын төлқұжат 
немесе оның орнына жүретін құжатын көрсетуге тиіс.
Кіріс және шығыс ордерлер, оларға кезекті нөмір беріледі, тіркеу 
журналында есепке алынады.
 
Қайталау үшін сұрақтар:
1.  Кассалық  операцияларды  жүргізу  кезінде  қай  құжатты  бас-
шылыққа алу қажет?
2.  Кассир  қабылдаған  құндылықтардың  түгелдігі  үшін  жеке 
материалдық жауапты бола ма және ол қалай заңдастырылады?
3. Кассалық операцияларды жасау үшін қандай құжат қолданы-
лады?
4. Қолма-қол ақша беру кезінде қаржы басқарушысының қолтаң-
басы болуы тиіс пе және қандай құжаттарда?
5.  Кіріс  және  шығыс  кассалық  ордерлерге  өзгерістер  енгізуге 
рұқсат етіле ме?
6.  Сіздің  кәсіпорыныңызда  жұмыс  істемейтін  тұлғаға  кассадан 
ақша беру қалай жүргізіледі?
7. Кіріс және шығыс кассалық ордерлер қайда тіркеледі?
29. Кассалық  кітап жүргізу 
Кассалық операциялар бухгалтерлік кітаптарды жүргізу жөнінде 
алдын ала қарастырылған барлық талаптарға сай келетін кассалық 
кітапта жазылады. 
Беттер  нөмірленіп,  кітап  түптеліп,  ал  ондағы  парақтарға  саны 
басшы мен бас бухгалтердің қолтаңбалары және кәсіпорынның мөрі 
қойылуы тиіс.
Кассалық  кітаптағы  жазулар  көшіргіш  арқылы  2  данада  жазы-
лады. Екінші данасы — жыртылмалы, оған тіркелетін құжаттарды 
қоса, ол кассирдің есебі болып саналады. Есеп күнделікті қолма-қол 
ақшаның келуі мен шығыс етілу барысы бойынша жазылады.

65
Кассалық  кітапты толтыру  үлгісі
   20__ ж. 10 қаңтарындағы касса    1 парақ
Құжат-
тың №
Шаруашылық операцияның 
мазмұны
Байланыс 
шоты
Кіріс
Шығыс
                           Күннің басталуына қалдық
    250
—
1
 Ш.Сеитовтан есепті соманың қа
йтарылуы                                       
        1250
   1200
—
2
 «Темір-банк» ААҚ банкіден АБ 
 № 026036 чек бойынша ақша 
кірісі
      1040
   90000
—
3
А.Сәрсенбаевқа — іссапар 
шығыстарына есепті сома берілді
      1250
       —
5000
4
Желтоқсан айының еңбекақысы 
төленді
      3350
       —
85000
Бір күндегі жиынтық
  91200
90000
Күннің соңына қалдық
  1450
—
Оның ішінде еңбекақы төлеуге
     —
—
           
Кассир:                             (қолтаңбасы)
Құжаттарды тексеріп және екі кіріс, екі шығыс 
                 кассалық ордер қабылдадым 
Бухгалтер:      (қолтаңбасы)
Қолма-қол  ақша  сейфте  сақталады.  Онда  қатаң  есеп  берудің 
бланкілері  (еңбек  кітапшалары  мен  оларға  қосымша  беттер, 
автокөлік  жолдама  қағаздарының  квитанциялары  және  т.б.)  және 
басқа  бағалы  құжаттар  (демалыс  үйлері  мен  санаториларға  жол-
дамалар,  пошталық  маркалар,  қоғамдық  көлікте  жүру  талондары, 
кәсіпорын қайта сатып алған акциялар) да болуы мүмкін. 
Қайталау үшін сұрақтар:
1. Кассалық кітапты дайындау үшін қандай талаптар қойылады?
2. Кассалық кітаптағы жазу неше данада жазылуы тиіс?
3. Кассалық есепті жазудың мерзімділігі қандай?
4. Қолма-қол ақша қайда сақталады?
5. Кассада қолма-қол ақшадан басқа нелер сақталуы мүмкін?
6. Қатаң есеп берудің бланкілері қай шотта есепке алынады?
7. Касса бойынша жазулар үшін қай шот қолданылады?

66
30. Есепті тұлғалармен есеп айырысу
Есепті тұлғалар болып кассадан шаруашылық, іссапар шығыстары 
мен материалдар сатып алу үшін қолма-қол ақшаны алдын ала алған 
кәсіпорынның  қызметкерлері  саналады.  Кассадан  шаруашылық 
және басқа шығыстарға қолма-қол ақша алуға құқылы лауазымдар 
мен  тұлғалардың  тізімін  кәсіпорынның  басшысы  бекітеді,  ал 
іссапарларға қаражаттар оның бұйрығы негізінде беріледі.  
Қызмет  іссапары  болып  тұрақты  жұмысынан  (кәсіпорынның 
жайғасу  орнынан)  тыс  қызмет  тапсырмасын  орындау  үшін  ұйым 
басшысының  ұйғарымы  бойынша  қызметкердің  сапары  саналады. 
Іссапарына  берілетін  соманың  мөлшері  іссапардың  мерзімі  және 
оның тағайындалу орнымен шектеледі, өйткені сапардың екі жағына 
жолақы, іссапардағы тәуліктік және пәтер ақылар төленуге жатады.
Қызмет іссапарларының тәртібі мен жағдайлары Қазақстан Рес-
публикасы Үкіметінің қаулысымен белгіленеді.
Есепті  тұлғалармен  есеп  айырысу  №  1250  «Қызметкерлердің  
қысқа мерзімді дебиторлық берешегі» шотында жүргізіледі. Есепті 
тұлғаның кәсіпорын алдындағы қарызы іссапар мен алынатын со-
малар  бойынша  есеп  беру  мерзімдері  өтіп  кетпегенше  әдеттегіше 
болып есептеледі.
Бұл қарыз № 1250 шоттың дебеті, ал оның жойылуы кредит бой-
ынша  бейнеленеді.  Егер  барлық  алынған  ақшалар  жұмсалмаған 
жағдайда, олардың сол бөлігі кәсіпорынның кассасына қайтарылады 
(№ 1010 шоттың дебеті мен № 1250 шоттың кредиті бойынша). Егер 
ақшалар  артық  жұмсалса  және  ол  шығыстар  құжаттар  арқылы 
дәлелденіп,  кәсіпорынның  басшысымен  бекітілсе,  онда  кассадан 
қосымша ақша беріледі.
Қалай  болған  жағдайда  есепті  тұлға  оған  барлық  шығындарды 
дәлелдейтін құжаттар (көліктерге билеттер, қонақүйлер мен дүкен-
дердің шоттары және т.б.) қоса тігілген аванстық есеп жасайды.
Егер  есепті  тұлғалардың  саны  көп  болса,  онда  арнайы  ведомо-
старда олардың аналитикалық есебін жүргізу мүмкін.
 
Қайталау үшін сұрақтар:
1.  Кәсіпорынның  кассасынан  есепті  түрде  кім  қолма-қол  ақша 
алуға құқылы?
2. Есепті сомалар қандай мақсаттарға алынады?
3. Іссапар деген не?
4. Жұмсалған сомалар туралы дұрыс аванстық есеп қалай жаса-
лады?
5. Есепті тұлғалармен есеп айырысу есебі қай шотта жүргізіледі?

67
6.  Есепті  тұлғалармен  есеп  айырысудың  аналитикалық  есебін 
қалай ұйымдастыруға болады?
31. Кассалық операциялардың есебі бойынша негізгі 
бухгалтерлік проводкалар
Қолма-қол ақшаның келуі мен берілуінің синтетикалық есебі № 1010 
«Кассадағы теңгемен ақша қаражаты» активті шотында жүргізіледі. № 
1010 шоты бойынша сальдо айдың басына кассадағы қолма-қол ақшаның 
қалдығын көрсетеді. Дебет бойынша айналым — есеп айырысу шотынан 
ақшаның келуі, өнімнің өткізілуі үшін қолма-қол ақшамен төленуі, есепті 
сомалардың жұмсалмаған бөлігін кассаға қайтару және т.б. бейнеленеді. 
Кредит бойынша — қолма-қол ақшаның жұмсалуы бейнеленеді. 
Бұл операцияларды төмендегі сызбаларда бейнелейміз.
1010 
«Кассадағы теңгемен ақша қаражаттары»
Дт
Кт  
1210 «Сатып алушылардың 
қысқа мерзімді дебиторлық 
берешегі»
Өткезілген өнімдер 
үшін теңгемен ақша 
алынды
1250 «Қызметкерлердің қысқа 
мерзімді дебиторлық берешегі»
Есепті тұалғалар-
дың пайдаланбаған 
қаражаттарын қайтару
1040 «Ағымдағы банктік 
шоттардағы теңгемен ақша 
қаражаттары»
Есеп айырысу 
шотынан қолма-қол 
ақшаның келуі
3390 «Өзге қысқа мерзімді 
кредиторлық берешек»
Кредиторлық 
қарыздардың жабылуы
1310 «Шикізат пен материалдар»
Келген материал-
дарға теңгемен ақша 
төленді
1250 «Қызметкерлердің қысқа 
мерзімді дебиторлық берешегі»
Тұлғаларға есепті 
негізде ақша беру
1040 «Ағымдағы банктік 
шоттардағы теңгемен ақша 
қаражаттары»
Қолма-қол ақшаны 
есеп айырысу шоты-
на өткізу
3350 «еңбекақы төлеу бойынша 
қысқа мерзімді берешек»
Бюджетке төлем-
дер жасалды

68
 Қазақстан Республикасындағы бухгалтерлік есеп және есеп беру 
туралы  ережелерге  сәйкес,  кәсіпорын  жыл  сайын  мүліктің,  оның 
ішінде кассадағы қолма-қол ақшаның түгендеуін жүргізіп отыруы 
тиіс. Түгендеу кезінде бухгалтерлік есептегі мәліметтер мен қолма-
қол ақшаның нақты мөлшері арасындағы айырмашылығы төмендегі 
тәртіппен реттеледі. 
Ақша қаражаттарының артығы кіріске алынып және қаржылық 
нәтижелерге апарылуға жатады. Есепте артық сомаға № 1010 шоттың 
дебеті  мен  №  6280  «Басқа  да  кірістер»  шотының  кредиті  бойын-
ша  проводка  жазылады.  Кейін  артық  ақша  мен  айыпты  тұлғалар 
анықталады.
Ақшаның  кем  шығуы  айыпты  тұлғалардың  есебіне  апарыла-
ды.  Егер  олар  анықталмаған  немесе  олардан  өндіру  жөнінен  сот 
талап  арызын  қанағаттандырмаған  жағдайда,  залалдар  өндірістің 
шығындарына (№ 7210 «Әкімшілік шығыстар» шотының дебеті мен 
№ 3540 «Өзге қысқа мерзімді міндеттемелер» шотының кредиті бой-
ынша) проводка арқылы шығыс етіледі. Кем шығулар сомасына мына 
проводкалар: № 3540 шоттың дебеті мен № 1010 шоттың кредиті бой-
ынша, ал ақша төлеу кезінде № 1010 шоттың дебеті мен № 3540 шоттың 
кредиті бойынша жазылады. 
Қайталау үшін сұрақтар:
1.  №  1010  «Кассадағы  теңгемен  ақша  қаражаты»  шотындағы 
қалдық нені білдіреді?
2. № 1010 «Кассадағы теңгемен ақша қаражаты» шотының дебеті 
бойынша нелер жазылады?
3. № 1010 «Кассадағы теңгемен ақша қаражаты» шотының кредиті 
бойынша нелер жазылады?
4. № 1010 «Кассадағы теңгемен ақша қаражаты» шотында есепті 
түрде алынған сомалар бойынша есеп айырысу қалай бейнеленеді?
5. Кассаны түгендеу не үшін қажет? 
6. Түгендеу барысында анықталған кассадағы ақшаның артығын 
есепте қалай бейнелеу мүмкін?
Түгендеу барысында анықталған залалдарды өндіріс шығында-
рына шығыс етілуін сызбада бейнелеңіз?
Түгендеу  барысында  анықталған  залалдарды  Материалды  жау-
апты тұлғалардан өндірілуін сызбада бейнелеңіз?

69
ІІ  бөлімше. ЕҢБЕКАҚЫ БОЙЫНША ЕСЕП АЙЫРЫСУ
32. Еңбекақы бойынша есеп айырысуды ұйымдастыру
Еңбек пен еңбекақының есебі бухгалтер жұмысының көп еңбекті 
қажет ететін және ең жауапты учаскелерінің бірі болып саналады. 
Қазіргі  уақытта  еңбек  табыстары  максималды  мөлшермен 
шектелмейді,  олардың  көлемі  жеке  тұлғалардан  ұсталатын  табыс 
салығымен ғана реттеледі.
Еңбекке  ақы  төлеу  екі  түрге  бөлінеді:  жұмыс  көлемі  бойынша 
(есептің негізіне орындалған жұмыстың көлемі мен оның бірлігінің 
бағаланы  арқылы  алынатын  жағдай),  уақыт  бойынша  (есептің 
негізіне жұмыстың 1 сағат уақытының тарифтік мөлшерлемесі не-
месе  атқарылған  уақыт  үшін  еңбекақы  мөлшері  (оклад)  алынатын 
жағдай).
Жұмыс көлемі бойынша еңбекақыны есептеу. Мысалы:
Жұмысшының бір сағаттық тарифтік мөлшерлемесі — 50 теңге. 
Өнімнің  бір  бірлігін  жасаудың  уақыт  нормасы  —  30  минут.  Өнім 
бірлігінің еңбекақы мөлшері — 25 теңге (50х30/60). Бір айда өнімнің 
400 бірлігі жасалды. Жұмыс көлемі бойынша еңбекақы (25 теңге х 
400) = 10000 теңгені құрайды.
Уақыт бойынша еңбекақыны есептеу. Мысалы:
Жұмысшы  бір  айда  80  теңге  мөлшердегі  сағаттық  тарифтік 
мөлшерлеме бойынша 120 сағат уақыт бойы еңбек етті. Оның уақыт 
бойынша еңбекақысы 9600 теңгеге тең болады (80 теңге х 120);    
Қызметкердің лауазымды мөлшерлі еңбекақысы 9200 теңгеге тең 
болады. Ол 23 жұмыс күні орнына 16 жұмыс күндерінің уақытын 
атқарды. Одан соң қызметкер демалысқа шығып кетті. Есепті айдың 
1  күндік  орташа  еңбекақы  —  400  теңгеге  тең  болады  (9200  :  23). 
Уақыт  бойынша  еңбекақы  (демалыстың  ақысыныз)  6400  теңгені 
(400 х 16) құрайы.
Сондай-ақ, негізгі еңбекақыға жұмсалған еңбек немесе атқарыл-
ған  уақыт  үшін  төлем  жатады.  Қосымша  (заңдарға  сәйкес  төлеуге 
жататын  атқарылған  уақыт  үшін)  еңбекақыға  демалыс,  еңбекке 
уақытша  жарамсыздық  бойынша  парақтар  және  т.б.  бойынша 
төлемдер, еңбекақыға әртүрлі қосымшалар жатады.  
Кооператив,  акционерлік  қоғамдар  мен  басқа  коммерциялық 
құрылымдардың  қызметкерлері  олардың  негізгі  жұмыс  орны  бой-
ынша  қосымша  еңбекақы  алуға  құқылы.  Барлық  жағдайларда 
атқарылған  және  атқарылмаған  уақыт  жұмыс  уақыты  есебінің 

70
табелінде көрсетілуі тиіс. Қосымшаларды төлеу шарттары мен нақты 
мөлшерлері кәсіпорынның өзінде белгіленеді және еңбекақы туралы 
ережелерде немесе ұжымдық келісім шарттарында көрсетіледі.
Қазіргі уақытта кәсіпорындарда еңбекақы қоры қалыптастырыл-
майды. Пайдадан қажетті төлемдер жасалғаннан соң, тұтыну қоры 
ұйымдастырылады.  Бұл  қордың  есебінен  негізгі  және  қосымша 
еңбекақы төленуі, емдеу, демалысқа жолдамалар мен қызметкерлерге 
ақысыз түрде көрсетілген қызметтердің құнын төлеу және т.б. жаса-
луы мүмкін. 
 
Қайталау үшін сұрақтар:
1. Еңбекақы максималды мөлшерлермен шектеле ме?
2. Еңбекақы төлеудің қандай түрлері бар?
3. Негізгі еңбекақы деген не?
4. Қосымша еңбекақы деген не?
5.  Коммерциялық  құрылымдардың  қызметкерлері  қосымша 
еңбекақыға құқылы ма және қандай жағдайларда?
33. Еңбекақының аналитикалық есебі
Бет есептер. Есептеу-төлем ведомосы
Қызметкерлер құрамының есебін кадрлар бөлімі немесе арнайы 
тағайындалған  адам  жүргізеді.  Әрбір  жұмысқа  қабылданған 
(тұрақты,  уақытша,  маусымды  түрде)  адамға  жеке  карточка 
толтырылады және оған өзінің табельді нөмірі беріледі. Кәсіпорын 
басшысының бұйрықтары немесе ұйғарымдары негізінде бухгалтер 
әрбір  қызметкерге  бет  есеп  ашады.  Онда  қызметкердің  анықтама 
мәліметтері  көрсетіледі  және  есептелген  сомалар  мен  ұсталымдар 
туралы барлық мағлұматтар жинақталады.
Жұмыс  уақытының  есебі  белгіленген  үлгідегі  жұмыс  уақытын 
пайдалану табельдерінде жүргізіледі. 
Есептелген  сомалар  мен  ұсталымдар  туралы  мәліметтер  бет 
есептен  барлық  қызметкерлер  бойынша  қосылатын  белгіленген 
үлгідегі есептеу-төлем ведомостарына көшіріледі.
Бұл ведомостың негізінде синтетикалық есепте № 3350 «Еңбекақы 
төлеу бойынша қысқа мерзімді берешек» шотында, кредит бойынша 
— есептелген сомалар, дебет бойынша — кассадан қолма-қол ақша 
беру,  табыс  салығын  ұстау,  еңбекақыны  заттай  түрде  беру,  басқа 
ұсталымдар және т.б. бейнеленеді.

71
Бұл  ведомость  бойынша  басшы  мен  бас  бухгалтердің  қолтаң-
балары қойылғаннан соң, берілуге тиіс барлық сомада шығыс кас-
салық ордер толтырылып, еңбекақы беріледі. Кәсіпорында жұмыс 
істемейтін  тұлғалар  еңбекақы  алу  кезінде  төлқұжат  немесе  оның 
жеке басын куәландыратын басқа құжат көрсетуі тиіс.
 
Қайталау үшін сұрақтар:
1. Бет есеп не үшін керек?
2. Еңбекақы беруге есептеу-төлем ведомосы аналитикалық есепте 
қандай рөл атқарады?
3. Есептеу-төлем ведомосынан № 3350 «Еңбекақы төлеу бойынша 
қысқа мерзімді берешек» шотына қандай мәліметтер көшіріледі?
4. Есептеу-төлем ведомосына кімдер қолтаңбасын қояды?
34. Еңбекақыдан ұсталымдардың түрлері.
Жеке тұлғалардан табыс салығын ұстау тәртібі
Есептелген  еңбекақыдан  әртүрлі  ұсталымдар  мен  шегерулер 
жасалады:  табыс  салығы,  алдын  ала  берілген  ақшалар,  кәсіпорын 
қызметкерінің  келтірген  материалдық  зиянының  орнын  толтыру, 
еңбекақы  есебінен  босатылған  тауарлар  үшін  және  орындау 
қағаздары бойынша ұсталымдар мен т.б.
Табыс  салығы  Қазақстан  Республикасының  «Салық  және  бюд-
жетке  төленетін  басқа  міндетті  төлемдер  туралы»  2001  жылғы  12 
маусымдағы  №  209-II  кодексі  (Салық  кодексі)  бойынша  (соңынан 
келетін өзгерістер мен қосымшаларын қоса) ұсталады.
Егер  ол  бұрын  айлық  табыстардан  есептелген  болса,  енді 
бір  жылда  алынған  жиынтық  табысына  негізделіп,  есептеледі. 
Бухгалтер ай сайын табыс салығын ұстап, оны бюжетке аударады, 
ал келесі жылдың басында (1 сәуірден кеш қалмай) барлық төлемдер 
туралы мәліметтерді кәсіпорынның орналасқан жері бойынша салық 
инспекциясына тапсырады.
ҚР  Жеке  тұлғалардан  табыс  салығы  туралы  (соңынан  келетін 
өзгерістер мен қосымшаларын қоса) заңында бірқатар жеңілдіктер 
қарастырылған.  Атап  айтқанда,  штаттағы  қызметкерлердің  салық 
салынатын  мөлшерінен  бір  айлық  есептік  көрсеткіші  шегеріледі, 
ал  оның  асырауында  1,  2  және  одан  көп  балалары  болса,  онда 
соған сәйкес айлық есептік көрсеткіштердің саны қоса шегеріледі. 
Штаттан  тыс  қызметкерлер  (мысалы,  мердігерлік  келісімдері 

72
бойынша  жұмыс  істейтін)  өздерінің  негізгі  емес  жұмыс  орнында 
мұндай жеңілдіктерді қолданбайды. 
Әлеуметтік  сақтандыру  және  зейнетақымен  қамтамасыз  ету 
бойынша жәрдемақылардан (уақытша еңбекке жарамсыздық бойын-
ша  жәрдемақылардан  басқа),  зейнетақыдан,  табиғи  апаттар  мен 
төтенше  жағдайларға  байланысты  кәсіпорын  тарапынан  берілетін 
материалдық  жәрдем  сомаларынан,  қызметтен  босарда  алатын 
жәрдемнен,  іссапар  шығыстарынан  және  төлемдердің  кейбір  басқа 
түрлерінен табыс салығы ұсталмайды.
Қайталау үшін сұрақтар:
1.  Есептелген  еңбекақыдан  ұсталымдардың  қандай  түрлері  бо-
лады?
2. Табыс салығы қалай есептеледі?
3. Қызметкерлер өздерінің негізгі жұмыс орнында салық салыну 
бойынша қандай жеңілдіктерді пайдаланады?
4. Төлемдердің қандай түрлерінен табыс салығы ұсталмайды?
 
35. Еңбек демалысы уақытына ақша есептеу
Жыл  сайын  штаттағы  қызметкерлерге  кезекті  демалыс  уақыты 
беріледі. Біріншісі — жұмысының 11 айлық мерзімі өтуі бойынша, 
одан кейінгілеріне — кәсіпорынның әкімшілігімен бекітілген және 
кәсіподақ  комитетімен  (егер  кәсіпорын  кәсіподаққа  кірген  болса) 
келісілген  график  бойынша  берілді.  Демалыстың  минималды 
ұзақтығы 24 жұмыс күніне (1992 жылдың 1 қаңтарынан бастап) тең 
болады. 
Демалыс  ақша  сомаларын  есептеу  үшін  кімге  демалыс 
берілетіндігі, қай күннен және уақыттың ұзақтығы қандай екендігі 
көрсетілген бұйрық негіз болады.
ҚР  «Кәсіпорындар  мен  кәсіпкерлік  қызмет  туралы»  заңы 
негізінде  қызмет  ететін  кәсіпорындар,  мекемелер  мен  ұйымдар 
қызметкерлерінің  жыл  сайынғы  демалысының  төлемі  демалысқа 
шығудан  алдын  (1-інен  1-ші  күнге  дейін)  екі  соңғы  айдағы 
еңбекақыдан жасалады.
Демалысты  орнын  толтырумен  ауыстыруға  тиым  салынады. 
Егер есепті кезеңде немесе қызметкер демалысқа шыққан айда сала 
бойынша  немесе  кәсіпорында  тарифтік  деңгей  немесе  еңбекақы 
мөлшері  арттырылса,  онда  қызметкердің  еңбекақысы  арттыру 

73
коэффициентіне  түзетіледі.  Егер  тарифтік  мөлшерлеме  немесе 
еңбекақы  мөлшерін  арттыру  нақты  бір  қызметкерде  болса,  онда 
түзету жасалмайды.
Қалай  болған  жағдайда,  есепті  кезеңде  жұмыс  уақытын  то-
лық  атқарған  қызметкердің  демалысқа  берілетін  жалақысы  ҚР 
заңдарымен  белгіленген  минималды  еңбекақыдан  кем  болмауы 
керек.
Демалыстың ұзақтығы күнтізбелік күндерде саналады, сондық-
тан  1  күндік  орташа  еңбекақыны  есептеу  кезінде  есепті  кезеңдегі 
еңбекақының  сомасы  сол  кезеңдегі  күнтізбелік  күндердің  ҚР 
заңдарымен  белгіленген  мерекелік  күндерін  шығарып  тастаған 
санына бөлінеді. Одан соң, 1 күндік орташа еңбекақы демалыстың 
күнтізбелік күндер санына көбейтіледі.
Егер  қызметкер  өзінің  кезекті  демалысын  пайдаланбай  тұрып 
жұмыстан  босаса  немесе  басқа  кәсіпорынға  ауысатын  болса,  онда 
оған демалыстың орнын толтыру есептеледі. Ол үшін пайдаланбаған 
демалыс  күндерінің  санын  есептейді:  жұмыстың  әр  айы  үшін,  ең 
кемінде,  2  күннен  (24:12)  берілуі  тиіс.  Егер,  мысалы,  демалыстан 
түскен  соң  5  ай  уақыт  жұмыс  атқарылса,  онда  пайдаланбаған 
демалыс уақыты 10 күнге тең болады (5х2). 
Қазақстан  Республикасының  еңбек  туралы  заңдарына  сәйкес, 
штаттарды  қысқартумен  байланысты  кәсіпорыннан  босатылатын 
қызметкерлерге екі орташа айлық еңбекақы мөлшерінде қызметтен 
босарда  алатын  жәрдемақы  беріледі.  Ол  жәрдемақының  мөлшері 
жұмыстың  соңғы  екі  айының  орташа  еңбекақысы  есебінен  анық-
талады.
 

жүктеу/скачать 2,74 Mb.

Достарыңызбен бөлісу: