Дәріс №5 Тақырып: Персонал маркетингі
Қарастырылатын сұрақтар тізбегі:.
1. Персонал маркетингі түсінігі, мәні мен мазмұны
2. Персонал маркетингі байланыстық қызмет
Дәрістің мақсаты:Персонал маркетингі түсінігі, мәні мен мазмұны сипаттау. Персонал маркетингінің ақпараттық қызметі талдау. Ұйымның сыртқы және ішкі ортасын зерттеу. Сегменттеуді айқындау. Персоналға қажеттіліктерін таңдау бойынша маркетингтік жұмыстардың кезеңдері анықтау.
Персонал маркетингі түсінігі, мәні мен мазмұны. Персонал маркетингі – бұл ұйымды ұзақ мерзімде адам ресурстарымен қамтамасыз етуге бағытталған басқарушылық іс-әрекеттің түрі.
Персонал маркетингі – персоналды басқару саласындағы өндірістік маркетинг функциясының ұлғаюы және базистик негіздерді қамтиды:
Маркетинг нарыққа бағытталған басқарудың негізгі қағидасы ретінде
Маркетинг басқарушылық шешімдерді іздеудің жүйелендірілген әдісі ретінде
Маркетинг өз ұйымның бәсекелік артықшылығына жету құралы ретінде
Персонал маркетингі жұмыс орнын ұйымға сатылатын өнім ретінде сипаттайды.
Қазіргі персонал маркетингі мәселелерінің мазмұны мен құрамын түсіну үшін 2 негізгі қағиданы бөліп қарастыру қажет:
1. Персонал маркетингі түсіндірмесін кең мағынада қарастыруды көздейді. Персонал маркетингі түсіндірмесі адам ресурстарын басқару стратегиясы мен белгілі бір философиясы ретінде түсіндіріледі. Персонал маркетингісінің кең тараған түсіндірмесі оның ұйымның кадрлық саясат элементтерінің біріне жататынын білдіреді.
2. Кәсіпорынның кадрлық ресурстарға деген қажеттіліктерін анықтап, оны қанағаттандыруға бағытталған персоналды басқару қызметінің ерекше функциясы.
Персонал саласындағы маркетингтік іс-әрекет персонал маркетингі жоспарының қалыптастыру мен орындаудың өзара байланысты кезеңдер кешені ретінде түсіндіріледі.
Персонал маркетингінің функциялары. Персонал маркетингінің ақпараттық қызметі –ақпараттық базис құрудан тұрады. Ақпараттық функция төмендегідей жіктеледі:
Ұйымның сыртқы және ішкі ортасын зерттеу
Нарықты зерттеу
Жұмыс беруші ретінде ұйым имиджін зерттеу
Қызметтер және жұмыс орындарына қойылатын талаптарды зерттеу.
