Салықтар келесі сипаттар бойынша жіктеледі: 1) мемлекет пен төлеушінің қарым-қатынастары және салық салу объектісіне байланысты салықтар 2 түрге бөлінеді:
- тікелей - табыс немесе мүлікке салынады (табысқа, пайдаға, мүлікке және жерге салынатын салық);
- жанама - тауар, қызметтер бағалары арқылы (қосылған құнға салынатын салық, акциздер, кедендік баждар) алынады. Салық сомаларының иесі тауар және қызметтерді өткізгесін мемлекетке тапсырылады.
2) Пайдалану сипаты бойынша:
- жалпы – бұл салықтар мемлекетке түсіп, белгілі бір пайдалану барысында тұлғасыздандырады;
- арнайы салықтар - белгілі бір мақсатқа ие болып келеді (мысалы: әлеуметтік салық, зейнетақы төлемдері).
3) Салықты жинайтын органына байланысты: - орталық (жалпымемлекеттік)
- жергілікті салықтар болып бөлінеді.
4) Объектінің экономикалық сипаты бойынша: - табысқа салықтар - салық төлеушінің кез келген объектіден алған табысына салық салу;
- тұтынуға салынатын салықтар - бұл тауарлар мен қызметтерді тұтынғанда төленетін шығындарға салынатын салықтар.
Салық салу объектілерін есепке алу және оларды бағалау тәсілдеріне қарай салық алудың мынадай төрт әдісі қолданылады:
кадастрлық;
салық төлеушінің мағлұмдамасы бойынша;
табысты алу көзінен ұстап қалу;
патенттік негізде.
Салықтың және бюджетке төленетін басқа да міндетті төлемдердің келесі түрлері белгіленген:
а) салықтар: корпоративтiк табыс салығы;
жеке табыс салығы;
қосылған құн салығы;
акциздер;
экспортқа рента салығы;
жер қойнауын пайдаланушылардың арнаулы төлемдерi мен салықтары;
әлеуметтiк салық
көлiк құралы салығы;
жер салығы;
мүлiк салығы;
ойын бизнесi салығы;
тiркелген салық
бiрыңғай жер салығы;
б) Алымдар: - тiркеу алымдары;
- автокөлiк құралының Қазақстан Республикасы аумағымен жүргенi үшiн алым;
- аукционнан алынатын алым;
- жекелеген қызмет түрлерiмен айналысу құқығы үшiн лицензиялық алым;
- телевизия және радио тарату ұйымдарына радиожиiлiк спектрiн пайдалануға рұқсат беру үшiн алым;
- консулдық алым;
в) Төлемақылар: - жер учаскесiн пайдаланғаны үшiн төлемақылар;
- жер үсті көздерінің су ресурсын пайдаланғаны үшiн төлемақылар;
- қоршаған ортаға эмиссия үшiн төлемақылар;
- жануарлар дүниесін пайдаланғаны үшiн төлемақылар;
- орманды пайдаланғаны үшiн төлемақылар;
- ерекше қорғалатын табиғи аумақты пайдаланғаны үшiн төлемақылар;
- радиожиiлiк спектрiн пайдаланғаны үшiн төлемақылар;
- қалааралық және (немесе) халықаралық телефон байланысын, сондай-ақ ұялы байланысты бергенi үшiн төлемақылар;
- кеме жүзетiн су жолдарын пайдаланғаны үшiн төлемақылар;
- сыртқы (көрiнетiн) жарнаманы орналастырғаны үшiн төлемақылар қолданылады.
