Әдістеме ғылым және оқу пәні ретінде оқытылатын пәнмен және дидактикамен тығыз байланысты
жүктеу/скачать 180 Kb.
|
- Бұл бет үшін навигация:
- 1-тақырып . Іскерлік ойын педагогикадағы белсенді оқыту әдісі ретінде (1 сағат) Мақсаты
| Бақылау формалары – аралық, зерттеулерді дербес жүргізіп, есеп беруді (жалпы екі есеп, жетінші және он бірінші аптада) көздейді. Сонымен қатар, жүргізілген шағын зерттеулер семинар сабақтарында да талқыланады. Бақылаудың қорытынды формасы – зертханалық жұмыстарды жүзеге асыру барысында танытқан белсенділікке байланысты және зертханалық жұмыс барысында алған бағаны ескерумен жалпы балды шығару.
1-тақырып. Іскерлік ойын педагогикадағы белсенді оқыту әдісі ретінде (1 сағат) Мақсаты: Іскерлік ойынның технологиясын меңгеру. Негізгі теориялық қағидалар. Іскерлік ойын (ІО) маманның болашақ кәсіби іс-әрекетінің пәндік және әлеуметтік мазмұнын елестетіп жаңғыртудың, осы іс-әрекетке тән қатынастар жүйесін модельдеудің формасы болып табылады. Таңбалы құралдардың көмегімен (тіл, сызбалар, кестелер, құжаттар) ІО-да негізгі мәндік сипаттары бойынша шынайы кәсіби ахуал тәрізді жағдай жасалады. Сондай-ақ ІО-да қысқа уақытта әдеттегі, жалпыланған жағдайлар ғана модельденеді. Осындай шартты тәжірибеде білім алушы өз кәсіби рөлін ойнап көре алады. ІО-да студент оқу және кәсіби әлементтерінен тұратын квазикәсіби іс-әрекетті орындайды. Қажетті білім мен біліктерді дерексізденген тұрғыдан емес, кәсіп контексінде меңгереді. Сөйтіп, кәсіби біліммен қатар білім алушы адамдармен ынтымақтасу, оларды басқару, бағына алу іспетті арнайы құзыреттілікке ие болады. ІО тұлғалық қасиеттерді дамытады, әлеуметтену процестерін қарқындатады. Бірақ бұл саналы кәсіби іс-әрекет ойын түрінде жүзеге асырылғандықтан білім алушылар өздерін еркін сезінеді, шығармашылық, бастамашылық танытады. Ойын барысында: кәсіби әрекет нормалары; әлеуметтік әрекет — ұжымдағы қарым-қатынас нормалары қалыптасады. ІО диалогта өтеді, екі сипатты іс-әрекет болып табылады, өйткені ол екі мақсатты көздейді: ойын мақсаты мен педагогикалық мақсатты, және соңғысының маңызы басым болып келеді. ІО күрделілігіне орай мынадай топтарға бөлінеді: имитациялық жаттығулар. Олардың мақсаты — жеке дағдыларды пысықтау және бекіту. «нақты өндірістік жағдаяттарды талдау» — шынайы жағдаятты шешудің жолдарын анықтау, ұсынылған шешімдерді ұжымда талқылау. «рөлдерді ойнап көру» — жағдай туралы алынған мағлұмат бойынша рөл ойнау. Ұжымның мүшелері рөлді орындаушының әрекеттерін, шешімдерін талдап, бағалайды. толықауқымды ІО кәсіби іс-әрекетті, қабылданған кәсіби шешімдердің салдарларын кешенді түрде жанғыртады. Оқу іскерлік ойындарды ұйымдастыру принциптері Жағдаятты имитациялап модельдеу Жағдаят мазмұнының проблемалы болуы Бірлескен іс-әрекеттегі рөлдік әрекеттестік Диалогтық қарым-қатынас Ойын оқу іс-әрекетінің екісипаттылығы. жүктеу/скачать 180 Kb. Достарыңызбен бөлісу:
|