Әдістеме ғылым және оқу пәні ретінде оқытылатын пәнмен және дидактикамен тығыз байланысты
жүктеу/скачать 180 Kb.
|
- Бұл бет үшін навигация:
- 4-тақырып. Педагогика бойынша семинар сабактарын дайындау мен өткізудің әдістемесі (1 сағат) Мақсаты
- Негізгі теориялық қағидалар.
| Бақылау сұрақтары
Дәрісбаян қандай мақсатты көздейді? Педагогиканы оқыту әдістемесінде дәрісбаянның алатын орны қандай? Дәрісбаянның артықшылықтары мен кемшіліктері неде? Дәрісті өткізудің негізгі әдістемелік талаптары қандай? Нұсқаулық: Педагогиканы оқытатын оқытушының дәрісіне қатысып, дәрісбаян әдісінің ерекшеліктерін анықтаңыздар. Бір тақырыпты таңдап алып, сол бойынша дәрісбаян дайындаңыздар. Негізгі мәселелерді белгілеп, жоспар құрыңыздар. Дәрісбаянның мәтінін жазыңыздар. Әдебиет Бабанский Ю.К, Ильина Т.А, Жантекеева З.У. Педагогика высшей школы.Алматы, 1989 Бұзаубақова Қ.Ж. Педагогикалық тренинг жеке тұлғаны дамыту құралы ретінде Алматы, 2006 Савин И.В. Методика преподавания педагогики. Москва. Просвещение, 1987. 4-тақырып. Педагогика бойынша семинар сабактарын дайындау мен өткізудің әдістемесі (1 сағат) Мақсаты: Педагогика бойынша семинар сабағын дайындау мен өткізудің әдістемесін меңгеру. Негізгі теориялық қағидалар. Семинар сабақтары көбінесе оқылған лекция тақырыбына байланысты негізгі өзекті мәселелерді талқылау, оқушылардың танымдық ойлау қабілеттерін дамыту, өзіндік шығармашылық белсенділіктерін шыңдау мақсатын көздейді. Тақырып сұрақтарына сай пікір алмасу, өз көзқарастарын дәлелдеу, мұғалімдерге оқушылардың оқу материалын қаншалықты меңгергенін, соған орай сенімдері мен түсініктерінің қалыптасқандығын бақылап, тексеріп, бағалап және бағыт-бағдар беріп отыруға мүмкіндік туғызады. Семинар сабағына әзірлену кезінде оқушылар тезистер мен баяндамалар жазып, қосымша әдебиеттерді пайдаланады. ¥сынып отырған сұрақтарға қатысты, ондағы бар негізгі ойларды қамтып, конспект құрады. Семинар сабағын өткізу барысында мұғалім проблемалық жағдай туғызып, талқыланып отырған сұрақтарға оқушылардың қызығушылығын оятады, олармен ақылдаса отыра оны талдаудың жоспарын құрады және ұжымдық ізденушілік әрекеттеріне қолайлы жағдай туғызады. Семинарлық сабақтар оқушыларда ойлау өзінділігі, қорытынды жасау ептілігін дамытуға бейімделген. Негізінде сабақ өткізудің екі түрін көрсетуге болады: а) ерікті сұрау; б) рефетты-баяндамалы әдіс. Әдебиет оқуда келесі жазбалар түрлерін ұсынуға болады: а) қарапайым және ашық жоспар; б) көшірмелер; в) тезистер; г) конспекттер; д) белгілер. Ең қиыны конспекті құрастыру болып келеді. Себебі, конспектіленген материал жадыда көп уақытқа дейін қалады және қайтадан оқығанда жедел еске түседі. Жазбаның қандай да бір түрінде, ең алдымен келесі мәліметтер кіретін кітаптың паспортын жазып алу керек: автордың фамилиясы және аты, кітап атауы, орны, шығарылу жылы, бет саны. Қарапайым жоспар – берілген деректерде баяндалған нақты және жүйелі сұрақтар тізімі. Ашық жоспар - үлкен нақтылаумен ерекшеленеді; әр бір сұраққа қысқаша мазмұндау береді. Көшірме - мәтіннен алынған нақты ұстаным. Оларды жасағанда міндетті түрде беттерге сілтеу қояды және тырнақша ішіне алады. Тезис - оқылған материалдың негізгісін қысқартып, қысып түйіндіру. Белгілер – оқылғаннан шығатын өзіндік ойлар, әсер немесе ескерту. Конспект – байланысқан, қысылған және тізбектелген өз сөзімен баяндалатын мәтіннің маңызды мазмұны. Конспектте жоспар да, көшірме де, тезистер де қолданылады. Семинарға дайындалу барысында реферат жазу тәсілі кең қолданылады. Оның жалпыланған құрылымы келесі түрде беріледі: Кіріспе Негізгі бөлім. Қорытынды. Әдебиеттер тізімі. Кіріспеде зерттеудің міндеттері және әдістері, берілген тақырып бойынша қысқаша әдебиеттерді талдау беріледі. Негізгі бөлімде әдебиет талдау және берілген жұмыстар негізінде қойылған мақсаты ашылады. Қорытынды бөлімінде жұмыс қорытындысында қысқаша негізделген жиын келтіріледі. Реферат көлемі педагогпен анықталады. жүктеу/скачать 180 Kb. Достарыңызбен бөлісу:
|