Ф. Диханбаева, Г. Кузембаева, К. Кузембаев, А. Матибаева азық-ТҮлік тауарларын тану және сараптау

7.5.1.Сыр сапасын сараптау

Сырларды органолептикалық бағалауды өнімнің +18...+2°С температурасында жүргізеді. Алдымен сыр дөңгелектерінің, батондардың, тұтынушылық ыдыстардың сыртқы түрін қарап тексереді, қырының күйіне, парафин немесе полимер жабындысына көңіл аударады, сырдың түріне сәйкестігін анықтайды, зақымдануларды айқындайды.

Сыр суретін щуппен алынған бағана бойынша анықайды, содан соң сыр басын кесіп, көзшелердің болуына, санына, пішініне және өлшеміне назар аударады.

Сыр түсін щуппен алынған бағанада немесе жағадан кесілген жерінде анықтады.

Консистенцияны щуппен алынған сыр бағанасын иіп көру арқылы анықтайды. Жақсы сыр консистенциясы нәзік, жеткілікті эластикалы немесе майлы болады.

Дәмі мен иісін анықтауда оның тазалығына, бөтен татымдардың болмауына, айқындылығына, өткірлігіне назар аударады.

Қатты сырлар тобын органолептикалық түрде 100 балдық жүйе бойынша бағалайды: дәмі мен иісі – 45; консистенциясы – 25; суреті – 10; қамыр түсі – 5; сыртқы түрі – 10; буып-түю және маркілеу – 5.

Сапа көрсеткіштері бойынша, буып-түю және маркілеу күйі бойынша сырларды 7.5-кесте мәліметтеріне сәйкес бағалайды.