Жұмыртқаны маркілеу. Әрбір емдәмдік жұмыртқа қызыл, ал асханалық жұмыртқа көк бояумен дөңгелек немесе сопақ түрде белгіленеді. Кейде асханалық жұмыртқаны маркілемеуі мүмкін. Жұмыртқа категорияларын О – таңдаулы (отборная), І – бірінші, ІІ – екінші деп белгілейді. Соғылған белгіде емдәмдік жұмыртқа болса категориясы мен сұрыпталған күнгі мерзімі, ал асханалық жұмыртқаға катеогрия ғана болады. Майда жұмыртқалар бөлек жинақталынады.
Қаптау және сақтау. Жұмыртқалар арнаулы ұяшықтары бар картонға салынып жәшіктерге 360 данасын салады. Сауда орындарына картон немесе полимер қораптарға 6–12 данасы салынған жұмыртқалар түсуі мүмкін. Емдәмдік, асханалық жұмыртқалар жекелеп категориясы бойынша жинақталынады.
Емдәмдік жұмыртқаны 0 С төмен, 20 С жоғары емес температура аралығында сақтаса, асханалық жұмыртқаны 20 Саспайтын температурада сақтайды. Тоңазытқышта жұмыртқаны 0...–2 С дейінгі температурады және ауаның салыстырмалы ылғалдылығы 85–88 % шамасында сақтайды.
