Ф. Диханбаева, Г. Кузембаева, К. Кузембаев, А. Матибаева азық-ТҮлік тауарларын тану және сараптау
жүктеу/скачать 2,68 Mb.
|
2.5.4. Нанды тасымалдау және сақтауНан өнімдерін сөрелермен, контейнерлермен жабдықталған арнайы көлікпен тасымалдайды. Сауда желілерінде нан өнімдерінің кебуі, қатуы және микробиологиялық бұзылу мүмкіндігінен қысқа уақыт сақтайды. Қарабидай нанын – 36 сағат, бидай және қарабидай – бидай нанын 24 сағат, майда дара бұйымдарды 16 сағат сақтайды. Нан сақтауға арналған бөлме таза, құрғақ, желдетілетін болу керек. Нанды 18–20 °C температурада (6 C төмен болмау керек), 75% аспайтын салыстырмалы ауа ылғалдылығында сақтайды. Сақтау кезіңде нан кебеді, қатады, онда зең мен бактериялар дамуы мүмкін. Нанның кебуі – ылғалдын нан жұмсағының ішкі қабаттарынан қырына ауысып, буланады. Нан піскеннен кейін тез суытылса, кебу аз болады. Кебу өлшемі бөлмедегі ауа температурасы мен ылғалдылығына, ауа массасына, ауаның қозғалу жылдамдығына байланысты. Нанның қатуы піскеннен кейін егер 6–25 C температурада сақтаса 10–12 сағат кейін, 0–6 C сақталса 2-3 сағат кейін басталады. Бұл кезде нан қыры жұмсарып қытырын жоғалтады, ал содан кейін қатады. Жұмсағы эластикалығын жоғалтып, қатты, үгілгіш болады. Нанға тән дәм мен иісі жоғалып жатып қалған өнімге тән иіс пайда болады. Кәдімгі жағдайда нанды сақтағанда 3-күні нан көгеруі мүмкін, әсіресе жазда 10 C температурада, ылғалды, нашар желдетілетін бөлмелерде сақтағанда зең тез дамиды. Көгерген нанды тамаққа қолдануға, қайта өңдеуге болмайды, себебі онда жағымсыз иіс пен дәм және улы заттар болады.
жүктеу/скачать 2,68 Mb. Достарыңызбен бөлісу:
|