1) өз құзыретінің шегінде реттелетін саладағы мемлекеттік саясатты қалыптастыру және іске асыру бойынша ұсыныстар дайындау; 2) Қазақстан Республикасының заңнамасына сәйкес дара кәсіпкердің немесе заңды тұлғаның қызметін немесе қызметінің жекелеген түрлерін тоқтата тұру бойынша шаралар қабылдау; 3) жобаларды мемлекеттік санитариялық-эпидемиологиялық сараптауға қатысу және жүргізу, оның нәтижелері бойынша, сондай-ақ тексеру және (немесе) профилактикалық бақылау нәтижелерінің негізінде Қазақстан Республикасының заңнамасына сәйкес санитариялық-эпидемиологиялық қорытынды беру; 4) өз құзыретінің шегінде лицензиаттардың Қазақстан Республикасы заңнамасын сақтауын мемлекеттік бақылауды жүзеге асыру; 5) реттелетін салада мемлекеттік қызметтерді көрсету, үйлестіру, мониторингтеу, рұқсат беру құжаттарын беру, олардың қолданысын тоқтата тұру, сондай-ақ Қазақстан Республикасының заңнамасына сәйкес одан айыру (кері қайтару); 6) дәрілік заттардың, медициналық бұйымдардың тіркеу куәліктерінің қолданысын тоқтата тұру жолымен дәрілік заттардың, медициналық бұйымдардың медициналық қолданылуын тоқтата тұру, сондай-ақ дәрілік заттар мен медициналық бұйымдар сериясының (топтамасының) медициналық қолданылуына тыйым салу және айналыстан алып тастау немесе медициналық қолданылуын тоқтата тұру туралы шешім қабылдау; 7) Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы Қазақстан Республикасының заңнамасына сәйкес азаматтардың көрсетілетін медициналық көмектің деңгейі мен сапасына қанағаттанушылығы дәрежесін айқындау бойынша әлеуметтанушылық зерттеулер жүргізуді ұйымдастыруды қамтамасыз ету; 8) облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарының басшыларын және олардың орынбасарларын, ұйымдардың басшыларын, олардың орынбасарларын, сондай-ақ филиалдарының басшыларын аттестаттаудан өткізу;
