71- Cұрақ Оғыз қаған жырының композициялық құрылысы
Оғыз-қаған дастаны - түркі тектес халықтардың ежелгі шежіресін генеалогиялық аңыздар негізінде көркем тілмен баяндайтын эпостық туынды. Бұл дастан ауыз әдебиеті үлгісімен әуелде ауызша жасалып, бертін келе қағазға түсірілген. Алдымен «оғыз» сөзінің мән-мағынасын айқындап алайық. Бұл сөзді Еуропа және орыс ғалымдары «огуз» десе, араб-парсы тілдерінде - «ғузз», әзірбайжан тілінде - «оғуз», ал қазақша - «оғыз» деп жазып жүр. Көне түркі тілінде «оғуз» сөзі - уыз, уыздас, сүттес, емшектес, яғни бір анадан сүтішкен деген мағынаны берген. Ежелгі ғұндардың кейінгі ұрпақтары, «оғуз» сөзін тайпалардың бірлестігі, одағы деген мағынада қолданған.
Копозициялық құрылысына келер босақ, 17 циклдан тұрады. Әрбір цикл: біріншісі- оқиғаның басталуы, екіншісі- оқиға желісінің ұлғайып, өрістеуі., үшіншісі-оқиғаның түйіні, қорытынды.
Міне, осы тұрғыдан алып қарағанда, зерттеуші Қ. Өмірәлиевтің «Оғыз- қаған» дастанын сюжеттік желісіне орай, шығарманың ішкі табиғатына сәйкес түрде 17 циклға бөліп қарастыруы ерекше назар аударады. Мұнда әрбір циклға қойылған тақырыптың өзі-ақ сол циклда айтылатын оқиғаны толық аңғартып тұрған сияқты. Атап айтқанда:
Оғыз қағанның тууы мен балалық шағы баяны;
Оғыз қағанның жігіт болуы және ерлік көрсету үшін аттану баяны;
Оғыз қағанның үйлену баяны;
Ай, Күн, Жұлдыз, Тау, Көк, Теңіз деген балаларының тууы баяны;
Оғыз батыр жайлы ауызша аңыз-әңгімелердің сюжеттік желісі мен «Оғыз-қаған» дастанының сюжеттік желісі арасындағы ортақ сарындар да зерттеушілер назарынан тыс қалған емес. Бұл туралы әсіресе зерттеуші Құлмат Өмірәлиев ұтымды пікірлер айтқан.
Түркия елінің ғалымдары: Н. Атсыз, Н. Банарлы, Ф. Көпрүлузаде, Б. Аталай, Б. Рифат сияқты түрік ғалымдарының «Оғыз-қаған» дастаны туралы терең ойлы зерттеулері қолымызға тиіп отыр.
«Оғыз-қаған» дастаны мен қазақтың батырлық жырлары арасындағы әр түрлі байланыс белгілерін зерттеуге қазақтың Ә. Дербісәлі, М. Жармұхамедұлы, Ө. Күмісбаев сияқты ғалымдары да өзіндік үлес қосқан.
Орыс зерттеушілері Оғыз қаған туралы аңыз-әңгімелер мен тарихи шындық жайында кезінде В. В. Радлов, Г. Н. Потанин, П. Пелльо, И. Н. Березин, Л. Лигети, Ю. Немет, Н. Я. Бичурин, В. В. Бартольд, A. М. Щербак, А. Н. Кононов сияқты зерттеушілер сан алуан құнды пікірлер айтқан.