К. Д. Бузаубакова жоғары мектеп педагогикасы
жүктеу/скачать 4,55 Mb.
|
Менеджмент іс-әрекеттің сапалы басқаруын талап етеді. Егер басқару оң нәтижесін бере алмаса, ол ешқандай да басқару бола алмайды. Педагогикалық жәй басқарудан менеджменттің айырмашылығы да осында. Классикалық менеджменттің іргетасын Ф.Тейлор, Г.Черч, А.Файоль, Г.Эмерсон, Г.Форд және т.б. ғалымдардың еңбектері құрайды. ХХ ғасырда мекемені, ұжымды басқарудың тиімді әдістері іздестіріле бастады. 1991 жылы ғалымдар К.П.Вазина, Ю.Н.Петров, Қ.Д.Белиловскийдің еңбектерінде «педагогикалық менеджмент» термині пайдаланылып, ғылымға енгізілді. Ғалымдар педагогикалық менеджментті білім беру мекемелерінің қызметкерлері мен басшыларының кәсіби құзіреттілігі мен іскерлік белсенділіктерін қамтамасыз ететін өзін-өзі дамытуға қажетті жағдайлар жасай отырып, басқару ретінде қарастырады: Педагогикалық іс-әрекетті ұжымның үздіксіз дамуын қамтамасыз ету мақсатында басқару. Әрбір адамның қайталанбас жеке тұлға екендігін ескере отырып, оның өзін-өзі еркін дамыту, шығармашылық қабілеттерінің өсуіне негізделген басқару. Ұжымның әрбір мүшесі үшін жауапкершілікпен шешім қабылдаудың «төменнен жоғарыға» бағытталған басқару. Адамның жаңа қабілеттерін ашатын ішкі әлеуетін толықтай пайдалануға негізделген басқару; Ұжымның іс-әрекетінің жоғары нәтижесіне қол жеткізу; Ұжымның іс-әрекетін ынталандыру. Егер «менеджмент» ұғымын «басқару» ұғымымен салыстырмалы тұрғыда қарастырсақ, онда екіншісінің мәні кеңірек, себебі, менеджмент басқарудың бірден-бір әдісі болып табылады. жүктеу/скачать 4,55 Mb. Достарыңызбен бөлісу:
|