К. Д. Бузаубакова жоғары мектеп педагогикасы
жүктеу/скачать 4,55 Mb.
|
- Бұл бет үшін навигация:
- Топтық-динамикалық жаттығулар
| Практикалық жұмыстарды орындауға қатысты жаттығулар сол тренинг барысында оқушыны өзіне қажетті білік пен дағдыға машықтандырады.
Тренингтің практикалық жұмыстарды орындауға қатысты жаттығулар құрылымының да көптеген артықшылықтары бар. Олар: білім алушы өзіне қажетті білік пен дағдыны сол мезетте үйренеді; білім алушы білім, білік, практикалық тәжірибе алуға белсене қатысады; білім алушы жұмысты мұғалімнің (тәрбиешінің) басшылығымен орындайды да, көп қателіктер жібермей, тез үйренуге машықтанады; білім алушының «білсем», «үренсем» деген белсенділігі ынталандырылып отырады; білім алушы өзіне қажетті іскерлікті үйреніп қана қоймайды, сондай-ақ, ол туралы көп мағлұмат алады. Осыншама көп жетістіктері бола тұра, тренингтің практикалық жұмыстарды орындауға қатысты жаттығулар құрамының төмендегідей кемшіліктері баршылық: тәрбиелі іс-әрекеті біреуден көріп, қолымен жасап көріп үйрене алмайсың, оны тек жан дүниеңнен өткізіп барып,түсінуді қажет ететіндігі; білім алушы лардың білік, дағдыны меңгеру деңгейлерінің бірдей еместігі. Топтық-динамикалық жаттығулар ұжымды қалыптастыру, ұжымдық ойлау, іскерлік қарым-қатынастың мәдениетін үйренуге, бірлікте іс-әрекет жасауға, әртүрлі тәрбиелік шиеленістердің алдын алуға көмектеседі. Топтық-динамикалық жаттығулардың көптүрлілігі оны іскерлік ойындармен салыстырғанда әрі тренингтің әдісі, әрі тренинг құралы ретінде қарауға болады. Тренингтің топтық-динамикалық жаттығуларының іскерлік ойындардың негізгі айырмашылығы – тренинг барысында, берілген аз уақыт ішінде ойын еркін айтуға, іс-әрекет жүйесін таңдауға тура келеді. Тренингтің топтық-динамикалық жаттығулар техникасынан артықшылығы төмендегідей: тренингтік жаттығуға қатысушылар санының көптігі (сондықтан топтық деп аталады); білім алушының шығармашылығының, іскерлік қабілеттерінің ашылуына толықтай мүмкіндік бар; тренингтің өтілуіне қарай, жағдаяттың өзгеруіне қарай бейімделуі; бұл жерде қарап-тыңдап, сынайтын көрермендер жоқ, сондықтан оқушыға өзін-өзі еркін ұстауға, толық ашылуға мүмкіндік туады. Дегенмен де тренингтің топтық-динамикалық жаттығулар құрылымының да кемшіліктері бар. Олар: тренингке қатысатын ойыншылар саны көп болғандықтан, жағдаяттың лезде өзгеруі тренингтің тақырыбынан ауытқуға әкелуі мүмкін; топтық-динамикалық жаттығуларда уақыт регламенттін сақтау қиындық тудырады; топтық-динамикалық жаттығуларда қарым-қатынасты оқыту функциясынан гөрі дайындық функциясын атқарады. Тренинг бағдарламасының үшінші компоненті – тренингтің тиімді жақтарын, тренингтің жеткен нәтижелерін анықтау. Тренингтің нәтижелігін анықтау ұжымның, жекеленген оқушының тренинг өткізгенге дейінгі және тренингті өткізгеннен кейінгі іс-әрекетін салыстыру нәтижесінде жүзеге асады. Тренинг нәтижесінің тиімділігін анықтауда бағалау критерийлері ішкі және сыртқы болып 2-ге бөлінеді. жүктеу/скачать 4,55 Mb. Достарыңызбен бөлісу:
|