Катон-Верстка-01. indd

49
содан 
«Айғайқабақ» атауы қалыптасқан. Жар мен сайдың не жыраның 
үстіңгі жиегін «қабақ» дейді. М1: Берелден Аршатыға барар жолда. 
Қабаққа су ағып, мұз қатады. Соның әсерінен жүргіншілерге кедергі 
жасайды[100]. М2.: Өгізбен жүк тартқанда айғайлап отырып 
шығарғаннан қалған атау[118].
АЙҒЫР – қыстау, Жамбыл а.о. Қазақ жер-суға ат қоярда көлемі 
үлкен табиғи нысанды айғырға, атанға, өгізге теңеп жататыны белгілі. 
Бұл жерде қыстау жанындағы «Айғыр» атты жота болмаса кезеңнің 
біріне қойылған атауды қыстау иеленген [120].
АЙДАР – жайлау, Өрел а.о. 1-н.: кісі атына байланысты; 2-н.:таудың, 
дөңнің, кезеңнің төбесінде шоқтана өскен ағаш не бұтаның айдарланып 
тұруына қатысты қойылуы мүмкін. М.: Буынғаным беліме кемер белдік, 
Қоңыр салқын Айдардан неге келдік? Сапырған сары қымыз ішпес 
басым, Шөп-шаламды ас қылған елге келдік [8,105 б.].
АЙДАРЛЫ – ауыл, Өрел а.о. Ауылдың аты елді мекенге жақын 
орналасқан таудың төбесінде шоқтана өскен ағаш не бұтаның 
айдарланып тұруына қатысты «Айдарлы» атты таудың атына негізделіп 
алынған. М.: Ескі көздің дерегіне қарағанда, осы ауылдың ежелгі аты 
«Айдарлы» екен. Болса болар, бұл ауылдың Алтай жарықтықтың 
айдарындай тынысты ортада, ырысты жерде тұрғаны рас [8,6 б.].
АЙДАРЛЫҚАРАТАС – ж.а., Өрел а.о. Тастың түсіне қарай және тас 
басындағы шығыңқы тұсына қаратыла қойылған атау. М.: Жартастар 
арасында балқарағай көп өседі [109].

жүктеу/скачать 2,93 Mb.

Достарыңызбен бөлісу: