Катон-Верстка-01. indd
АҚШАРБАҚ – ж.а., Өрел а.о. Шарбақтың түсіне қатысты аталған [154]. АҚШЕКЕ [ГОРА АКЧЕКА]
жүктеу/скачать 2,93 Mb. Pdf көрінісі
|
Катон-Верстка-336 стр.
| АҚШАРБАҚ – ж.а., Өрел а.о. Шарбақтың түсіне қатысты аталған
[154]. АҚШЕКЕ [ГОРА АКЧЕКА] – тау. Таудың үстіңгі жақтағы бір бөлігі ақ тастардан тұрады, таудың аталу себебі осыған байланысты[68]. АҚШОҚЫ – қыстау, Жамбыл а.о. Қыстау «Ақшоқының» жанында орналасқандықтан, шоқының атын иеленген[105]. М.: Ақшоқының етегінде жартастың желкесінде көптен бері состиып балқарағайдың бір молағы тұратын. Балқарағайды бел ортадан жасын осып түскенімен, өзегі аман екен[8,53б.]. АҚШОҚЫ – қыстау, Новохайрузовка а.о. Қыстау Ақшоқының жанында орналасқандықтан, шоқының атын иеленген[144]. АҚШОҚЫ – тау, Қатонқарағай а.о. Шоқы – тау жонының, сондай – ақ ауқымды төбенің шошайып сүйірленген ең биік жері. «Ақ тасты шоқы» мағынасын береді. Мұндағы шоқы «шағын тау» мәніндегі географиялық 59 термин Қазақстанда кең тараған[148]. М.1: Тәңірдің де тұрағы – жүрек пенен туған жер, Ақшоқының биігі өзіне тартар кіндік Төр. Аман тұршы, Алтайым, мәңгілік елдің биігі, Саған арнап жыр жаздым, ақ батаңды өзің бер![42,16б.]. М.2: Шыңдары Ақшоқының көз тартады, Ирек жол Марқакөлге апарады[42,216б.]. М.3: Міне, тағы да анау барған сайын сом бітімі тұмшалаған тұманнан аршылып, аршын төсін айқара ашып келе жатқан Ақшоқыға қарады. Ақшоқының түстігінен Қара шоқы қылтияды[18,10 б.]. М.4: – Атамды Ақшоқының басына өзім жаяу арқалап шығамын, - деді Қаршыға қабағын түкситіп[20, 272б.]. М.5: Ақшоқының биігін күн шалып, төңірек ағара бастапты. Тау алқымын бөктерлеп, тағы жарты сағаттай жүрді[10,75б.]. М.6: Ақшоқының үстіне шығып алып: «Уа, әйел заты! Сендер ерлер алдында мәңгі борыштысыңдар, ол борыштың өтеуі – тек қана, бір ғана адал махаббат!» - деп жар салғым келді [20, 254б.]. М.7: Қиын- қыстау мезеттерде көзін жұмса болды, көкше мұнардың арасынан ақ сеңгір арман тауы - Ақшоқы елес беріп, жүр-жүрмен азғырғандай тым алысқа «ауалап» шақыратын[21,16б.]. М.8: Түстік қанатында сыңсыған қара орман, қара орманның төрінде ұшар басы күмісше жалтырап Ақшоқы қасқаяды[8,6б.]. жүктеу/скачать 2,93 Mb. Достарыңызбен бөлісу:
|