ҚАРААДЫР– төбе, Өрел а.о. Қарайып көрінетін дөңес жер
болғандықтан қойылған атау. М.1: Білген жанға, басы сонау Қарадырдан басталып, қарағайлардың арасымен ирелеңдей қашқан күйі Бұқтырманың жағасына құлдилап құлап, одан әрі ана-ау Таңба тауының қарауытқан қойнауына жеткенде, құйрығы қылдай жіңішкеріп үзілетін осы ұзақ жолды жол еткен кім? [11,195 б.]. М.2: Берелге шығып бара жатқан жолдың оң жағында [109].
ҚАРАДЫРДЫҢ ҚУЫСЫ – шабындық, Өрел а.о. Қараадыр деген
жердің ерекшелігіне байланысты қойылған атау. М.: Қарадырдың төменгі жағында жалғызаяқ жол бар. Сондықтан Қарадырдың қуысы аталуы мүмкін [109].
ҚАРАЖАЛ – тау, Солоновка а.о. Жалға ұқсас болып көрінетіндіктен
қойылған атау. М.: Құйғытып Қаражалда құйындадым, Шуылдақ шуылынан күй ұрладым [29, 84б.]
ҚАРАЖАЛ – ауыл, Ново-Поляковка а.о. Жылқының қылы, жалына
ұқсас болып келетін болғандықтан қойылған атау болса керек. М.1: Бұрындары Огнева деп аталып келді. А.Г. Огнев Ұлы Отан соғысының батыры болған. Осы ауылдың дамуына орасан зор еңбегі сіңген. Қазір Қаражал деп аталады. Қазір бұл жерде 30-шақты ғана үй қалды [129]. М.2: Қаражал ауылы да осы өңірде болған. Бұл жерді Огеново деп атаған [153].
ҚАРАЖЕР – ж.а., Қатонқарағай а.о. Қысы-жазы қар
болмайтындықтан қойылған атау. М.1: Әлі есімде, 1960 жылы Катонқарағай ауданында, Шыңғыстай мен Еңбектің дәл ортасындағы Қаражер аталатын телімде өңірдің сабантойы өткен» [41,364б.]. М.2: Қаражерге қол жинап қалмақтарды өз жасағымен осы асумен түре қуып, Шаған-Дабадан әрі асырып тастаған [35,127б.]. М.3: Алтайдан Бұқтырмаға құламай ма, Аужайын Қаражердің сұрамай ма? Өзгеше болып шықса, желдің күші, Өзі де табиғаттың шыдамай ма? [80, 9б.]. М.4: Ауылдың шығыс жағындағы жазық. Бұл жерде қысы-жазы бір қар жатпайды. Малға жайлы. Жанында Бұқтырма өзені ағып жатыр [114].
