Студент-практикант Мусаева Шохсанам Суннатиллақызы көрсетілген мерзімде өндірістік (педагогикалық) іс-тәжірибесінен өтті. Алғашқы күннен бастап өз ісіне тиянақтылығымен, жауапкершілігімен көзге түсті.Шохсанам іс-тәжіриб барысында сабаққа үнемі мол дайындықпен,көп ізденіспен келеді. Іс-тәжірибе барысында берілген тапсырмаларды жауапкершілікпен орындады. Мусаева Шохсанам Суннатиллақызы оқу-тәрбие жұмысына араласып, барлық пәндер бойынша сабақ беруге кірісті және сынып жетекшілік міндетін де қоса атқарды. Барлық сабақтар жақсы әдістемелік деңгейде сынып мұғалімінің қатысуымен өткізілді. Практика кезінде ол күнделік жүргізіп отыр, оған күнделікті жүргізген оқу-тәрбие жұмысын жазып, талдады. Сыныптағы бір оқушыға психологиялық-педагогикалық мінездеме жазу үшін зертеу материалдарын жинақтады.Ұйымдастырушылық қабілеті жоғары екендігін дәлелдеді. Болашақта білікті де, білімді, үлгілі Қазақстан Республикасына адал қызмет ететін азаматша болатынына сенемін. Практика кезінде оқу-тәрбие жұмыстарында байқалған жақсы жақтары көп болды: өзіне сенімді болып, еркін ұстауы, жауапкершілікті сезінуі, сабақты түрлендіріп (жаңа технология элементтерін пайдалана алуы) өткізуі, көрнекіліктері эстетикалық талапқа сай болуы, мұғалімдердің ашық сабақтарына өзара сабаққа қатысулары, ата-аналар жиналысын өткізуі, ізденімпаздықтары т.б. Сонымен бірге, сабақта әлі де сыныпты ұйымдастыру және тәртіпті орнатуда, барлық оқушылардың білімін бақылау, жетекші сұрақтар қоя білу, уақытты тиімді пайдалануда қиналатыны байқалды Мусаева Шохсанам Суннатиллақызы өндірістік -педагогикалық практикадан 90 (А-) деген баға берілді.