Кокенова Мохидил

КІРІСПЕ

Адами капиталдың сапасы мен бітіруші түлектердің бәсекеге қабілеттілігін арттырудың ерекше маңыздылығын Қазақстан Республикасының Президенті Н.Ә. Н.Назарбаев бес институционалдық реформаны жүзеге асыру бойынша «100 нақты қадам» [1] ұлттың жоспарында атап өтті, сондай-ақ білім беру аймағындағы негізгі құжаттарда да көрсетілген: Қазақстан Республикасының «Білім туралы Заңы»[2], Қазақстан Республикасының үздіксіз кәсіби педагогикалық білім беруді дамыту тұжырымдамасы [3] және т.б.

Сонымен қатар, 2016-2019 жылдарға арналған Қазақстан Республикасының білім беру және ғылымды дамытудың Мемлекеттік бағдарламасы жоғары білімді мамандарды даярлауды, оның ішінде психологиялық-педагогикалық білім беру сапасын арттыруды көздейді [4].

Қазіргі жаңартылған білім беру жүйесі білім беру ортасын ұйымдастырудың психологиялық-педагогикалық аспектілерін, оның жеке тұлғаның дамуына әсерін, сәйкесінше, осы ортада тиімді жұмыс істеуге мамандар даярлауды қамтамасыз етудің өзектілігін көрсетті. Осылайша, диагностикалық құзыреттілік психологиялық- педагогикалық кадрлардың негізгі дағдысын білім беру үдерісінің тиімділігін қамтамасыз ететін әмбебап құрал ретінде ұсынады.

Болашақ мамандарды даярлауда диагностикалық құзыреттілікті қалыптастырудың өзектілігі болашақ білім беру қызметінде психологиялық-педагогикалық міндеттерді кәсіби сауатты шешу қажеттілігіне, оны жетілдірудің оңтайлы жолдарын іздеуге байланысты.

Білім беру жүйесінде болашақ педагог-психологтардың диагностикалық құзыреттіліктерін қалыптастыруды жан-жақты зерттеуде туындаған белгілі бір мәселелерге қарамастан, толық түрде арнайы қарастыру пәні бола алмады. Бұл педагог-психологтың диагностикалық құзыреттілігіндегі объективті түрде артып отырған қажеттілік пен оны ЖОО оқу үдерісінде қалыптастыру тетіктерін жеткілікті түрде жетілдірілмеуі арасындағы қайшылықтың пайда болуына, сонымен қатар мынадай нақты қайшылықтардың туындауына әкелді:

• 
  болашақ педагог-психологтардың диагностикалық құзыреттілігіне қойылатын жоғары талаптар мен теориялық-тәжірибелік білімнің университеттің білім беру ортасына экстраполяциялаудың төмен деңгейі;
  
• 
  үздіксіз даму тәртібінде қызмет атқаратын инновациялық мектептердегі қарқынды жүріп жатқан білім беру мен диагностикалық негізде инновациялық, тәжірибелік- эксперименталды іс-шараларға болашақ педагог-психологтардың дайындау деңгейі;
  
• 
  болашақ педагог-психологтардың диагностикалық құзыреттілігін қалыптастырудың объективті қажеттілігі мен университеттің білім беру жүйесі жағдайында осы үдерістің ғылыми-әдістемелік қамтамасыз етілуінің жеткіліксіздігі.