Одғұрмыштың Өгдүлмішке жауабы

Айтты Одғұрмыш өлімнің шын келгенін,

Түсіне еніп раббы аян бергенін:

 — 

Түсім айқын, айтып берді, сенемін,

Өлерімді  ұқтым анық, ей  ерім!

Хақ жаман ба, жақсы ма — ажал келгенде,

Аян берер түнде, ұйқыға енгенде!

Айтты Өгдүлміш: — Есті  сөзде — есендік,

Ай, ақжүрек, бар сөзіңде бекерлік!

 

5990  Өле берсе ауырған жұрт шетінен,

Кісі қалмас, құрып жердің бетінен!

Тіріде адам еш ауырмай кете алмас,

Түп-тұқымын тіпті де ажал кесе алмас.

Кісі ұйықтаса түс жүреді иектеп,

Жорушылар жорыр жақсы ниетпен!