Методика и технология
ПӘНДЕРДІ ОҚЫТУ ӘДІСТЕМЕСІ
жүктеу/скачать 0,78 Mb. Pdf көрінісі
|
Tayelsizdik zhildarindagi kazak angimelerinin korkemdik ereksheligi
| ПӘНДЕРДІ ОҚЫТУ ӘДІСТЕМЕСІ
МЕТОДИКА И ТЕХНОЛОГИЯ ЖӘНЕ ТЕХНОЛОГИЯСЫ ПРЕПОДАВАНИЯ ДИСЦИПЛИН 91 Суреткердің бұл туындысын – М. Мағауиннің қазақылықты жоқтауы дер едік. Бұл туынды турасында Т. Жұртбай: «Қос Ағашта» бүкіл дала философиясының тамырының үзі - луі мен қазақтың тағдыры тұспалданған», – деп тұжырымдайды» ( Жұртбай Т. Қос Ағаш // Орталық Қазақстан.– 2008. – 26 қараша, № 48) . «Образ сомдауда да, характер ашуда да түрлi көркемдiк әдiс -тәсiлдердi қолдана оты- рып, жаңа бейне жасауда жазушылар бiршама жетiстiктерге жеткен. Мұхтар Мағауиннің, Қабдеш Жұмадiловтiң, Бексұлтан Нұржекеевтің, Шерхан Мұртазаның шығармаларынан бү- гiнгi күн адамдарының бейнесiн ғана емес, қазiргi өмiрдiң бүкiл болмысын, тыныс-тiршiлiгiн кескiн-келбетiн толық танып, таразылауға болады. Рухани тереңдігімен қазақ әдебиетінің тағы бір сатыға жоғарылауына септіктерін тигізген жоғарыда аты аталған жазушылар шоғы- рының шығармашылығын танып білу барысында оның астарында көптеген ізденіс, талап пен талғам, жігер жатқанын аңғарамыз. Тәуелсіздік кезіндегі ел жағдайына үңіле отырып, жазу - шылар идеясының өміршеңдігіне, дұрыстығына, дәлдігіне көз жеткізе аламыз» ( Ержанова Г. Қазіргі қазақ әңгімесі. Ф.ғ.к. дәрежесін алу үшін қорғалған диссертация. Алматы, 1999.-125 б.) . Филология ғылымдарының докторы Смағұлова Нұргүл Қайырбекқызының пікіріне сүйенсек «Әдебиеттану ғылымында тартыс эстетикалық категория ретінде өз орнын алып отыр. Себебі, көркем тартыс проблемасы құлашы кең, өрісі үлкен мәселе. Ол суреткердің та- лант даралығы мен өмір шындығын көркемдік тұрғыдан тану қыры бола тұра, мән-маңызы жағынан идеялық-философиялық міндеттерді де қамтиды» ( Смағұлова Н. Қ. Қазіргі қазақ әңгі- мелеріндегі тартыс табиғаты. Ф.ғ.к. ғылыми дәрежесін алу үшін қорғалған диссертацияның авторефе- раты. – Астана, 2006. – 24 б) . Өмірдің өзі күрес деп түсінсек, көркем шығармадағы тартыс мәсе- лесі қашан да болмасын сарқылмайтын қазына болып қала бермек. Тәуелсіздік жылдарындағы әңгіме жанрының да ең басты көркемдік құндылығы осы тартыс сипатымен тығыз байланысты. Ажырамас бртұтас дүние. Көркем тартыс мәселесі кө- біне көп сюжет пен характерге байланысты қарастырылады. Тартыс – сюжеттің жаны, оның қозғаушы күші, сюжетте баяндалатын оқиғаның да, характер тағдырының шешімі де осы тартысқа, оның сипатына тікелей қатысты екендігі зерттеу еңбектерде айтылып жүр. Тәуел- сіздік жылдарындағы әңгіме жанрында әдеби тартыс мәселесі бұған дейінгі кезеңдерге қара- ғанда күрделенді және дараланды. «Жазушылар адам іс-әрекетінің қозғаушы күшіне оның рухының өздігінен ашылуына көңіл бөле бастағаны байқалады». Характерді әр қилы сыннан өткізу, алдына таңдау қою, пікірталасқа түсіру, өзіне -өзі есеп беру сияқты әдіс-амалдардың қолданылуы осы кезең прозасына, оның ішінде әңгіме саласына етене тән екенін атап өткен жөн» ( Балтабаева Г. С. Тәуелсіздік кезеңіндегі қазақ әңгімесінің көркемдік көрінісі // ҚазҰУ Хабар- шысы №2, 2009) . жүктеу/скачать 0,78 Mb. Достарыңызбен бөлісу:
|