Микробиологиялық зертхана. Микроскоптар
Циль-Нилсен әдісімен спораны бояу
жүктеу/скачать 2,43 Mb.
|
- Бұл бет үшін навигация:
- Бурри әдісі бойынша капсуланы анықтау
- Тақырып № 2 «
- Микроорганизмдердің қоректенуі.
| Циль-Нилсен әдісімен спораны бояу Жоғарыда көрсетілген жалпы әдіспен даярланып фиксацияланған препаратқа 5% хром қышқылын қосады. 5-10 минуттан кейін оны жуады. Цильдің карболды фукцинмен ылғалданған сүзгіш қағаздың бір тілімен препаратқа жабады. Спиртовка жалынында бу пайда болғанша препаратты қыздырып алып, үстіне бояудың жаңа порциясын қосады. Осылай 7 минуттай қайталайды. Бұнда бояу буланса да препарат кеуіп қалмауы керек. Салқындаған препаратты сумен жуады, сүзгіш қағазды ұқыпты түрде құрғатады. Осылай өңделген клеткалар және споралар бірқалыпты боялады. Бұдан әрі цитоплазманы ғана түссіздендіруге кіріседі. Ол үшін препаратты тұз немесе күкірт қышқылының 1% ертіндісімен 15-30 секунттай өңдейді. Бұнда уақыт мерзімінің қатаң бақылау керек. Уақыт асып кетсе спора да, клетка да түссізденіп кеуіп кетуі мүмкін. Түссізденген препаратты сумен жуады да қосымша 2 минуттай метилен көмегімен бояйды. Егер де барлық жұмыс дұрыс, талапқа сай орындалса, бояу өте анық көрінеді. Спора ашық қызыл түске боялады, ал цитоплазма көгілдір түсте болады.
Бурри әдісі бойынша капсуланы анықтау Затттық шынының шетіне тушь тамшысын және ілмекпен зерттелетін материалды аламыз. Ерітіндіні жақсылап ілмекпен араластырып, жұғын дайындаймыз, қаннан жасалған жұғын тәрізді, кептіреміз, бекітпейміз, иммерсионды жүйеде микроскопиялаймыз. Жұғын қара микроб денесі және олардың капсулалары тушпен боялмайды, түссіз болып қалады, сондықтан бұл тәсіл негативті деген атқа ие болған. Тақырып № 2 «Микроорганизмдердің физиологиясы.» Қоректік орталарды дайындау тәсілдері Зертханалық ыдыстарды және мақталы тығындарды әзірлеу. Ет суын және ет-пептонды сорпасын (ЕПС), ет-петонды агарын (ЕПА) дайындау. Қоректік орталардың рН-ын колориметриялық және басқа да тәсілдермен анықтау. Микроорганизмдердің қоректенуі. Жасуша ішіне сыртқы ортадан енген қоректік заттардан жаңа заттардың түзілуі немесе олардың ыдырауы күрделі биохимиялық процестердің көмегімен іске асып отырады. Микроорганизмдер табиғатта қоректік заттарды өсімдіктер мен жануарлар қалдықтарынан немесе тірі жасушалардан алады. Зертханаларда микроорганизмдерді өсіру үшін арнайы әзірленген қоректік орталар қолданылады. Оларды өздерінің құрамына қарай табиғи (сүт, сарысу, жұмыртқа, ет, картоп, бұршақ, сәбіз, т.б.) және жасанды қоректік орталар деп екіге бөлінеді. Жасанды қоректік орталар арнайы рецептер бойынша дайындалады. Олар жануар текті (ЕПС,ЕПА, ЕПЖ) және өсімдік текті (сыра суслосы) болып екі топқа бөлінеді. Барлық микроорганизмдер бір ғана қоректік ортада өсе бермейді. Әр организм өзінің өсіп дамуына арнайы құрамы бар қоректік орталарды элективті (таңдаулы) орталар деп атайды. Дайындалған орталарды құрғақ, салқын орындарда ұстайды, қоректік орталарға арналған ыдыстарды (шыны түтіктерді) жақсылап жуып, нейтралдап, кептірген соң бу стерилизаторында немесе кептіргіш шкафта стерильдейді (160-1700С). Мақталы тығындарды қолмен немесе тығын жасағыш қондырғы көмегімен әзірлейді. Қолданылған тығындарды әуелі кептіреді, сонан соң стерильдейді. Мақталы тығындар құрғақ және шыны түтікке жақсы үйлестірілген болуы керек. Дымқыл жерде олар ылғалды тартып алып, зең саңырауқұлақтардың өсуіне жағдай туғызады. Бұл саңырауқұлақтар және басқа микроорганизмдер шыны түтіктің ішіне түседі де, қоректік ортаның стерильділігін бұзады. Жасанды қоректік орталар және олардың компоненттері. Еттің суы көптеген қоректік орталардың негізгі компоненті болып саналады. Ол жылқы немесе қара малдың сапалы еттерінен дайындалады. Сүйек, сіңір, фасция және майлары алынып тасталады. Кәрі малдың етін қоректік отаны дайындауға қолданбау керек. Етті еттартқыштан өткізіп, өлшейді, сонан соң оған ағын суының екі есе мөлшерін құяды да, 18-24 сағатқа салқын жерде қалдырады. Фаршты сығып алып, еттің экстрактын 30-40минут әлсіз отта қайнатады. Мақталы дәке сүзгіштен экстракты өткізгеннен соң, қайта қағаз сүзгішпен сүзеді де бастапқы мөлшеріне ағын суын құю арқылы келтіреді. Ет суын шыны сауыттарға құйып 1200С-та 30 минут стерильдейді. Ет суын дайындау процесін жеделдету үшін фаршқа екі есе мөлшерде ағын суын қосады да, бір сағат бойы 500С-та қыздырады. Пайда болған массаны екі қабатталған дәкемен сүзіп, етті сығып, алынған сұйықтықты 30 минут қайнатады. Ұйып қалған белоктарды мақталы-дәкеден, сонан соң сүзгіш қағаздан өткізу арқылы бөліп алады. Фильтратқа оның бастапқы мөлшеріне дейін ағын суын қосып, шыны сауыттарға, шыны түтіктерге құйып, 1200С-та 30 минут стерильдейді. Дайын ет суының рН мөлшері 6,8-6,5 шамсында болады. жүктеу/скачать 2,43 Mb. Достарыңызбен бөлісу:
|