Нуржігіт Алтынбеков
550
Бала жолдасының құрамдас бөлігі –
шараналық қабық
– ақшылдау боз түсті,
бұлыңғырлау, іркілдек жыртық қапшық; оның шараналық және аналық беті бар.
Шараналық бетін амнион мен тамырсыз дәнекер тін құрайды. Амнион
мембранада жайғасқан, текшетәрізді эпителиймен астарланып, тегіс хорионмен
жанасып жатады. Тегіс хорион талшықты дәнекер тіннен құрылып, аналық беті
трофобластылық жасушалардың біренеше қабатымен және децидуалық
қабықшамен жабылған.
Кіндіктік бау
– орташа ұзындығы 50 см, жуандығы 1–1,5 см, жіп тәрізді ирек
құрылым. Ол миксоидты тіннен құрылып (Вартон іркілдегі), сыртқы амнионмен
жабылған. Кіндіктік бау арқылы вена мен қос артерия өтеді. Кіндіктік баудың
көлденең кесіндісінен үшбұрыш түзіп жайғасқан қан тамырлары мен олардың
ортасындағы урахусты (аллантоистың қалдығын) көреміз.
Мерзімдік өзгерістері
Плацента жүктіліктің соңғы кезеңінде, әдетте түрлі өзгеріске ұшырап,
жүктілік өз мерзімінен асып кетсе ғана ауыр зақымдалады.
Макробейнесін зерттегенде плацентаның аналық бетінен ақшыл сары түсті
некрозды ошақтар мен кальцинозды аймақтарды көреміз. Жүктілік өз
мерзімінен асса, аталған үдерістер дамып қана қоймай, плацента ағарыңқырап,
котиледондары біріге бастайды.
Достарыңызбен бөлісу: 
