Кальциферолға анилиндік татпа. Д витамині бар балық майына анилин мен концентрлі тұз қышқылы қоспасын қосып қыздырғанда, сұйықтықта қызыл түс пайда болады.
Жұмыс барысы:Құрғақ пробиркаға 1 тамшы балық майы мен 5 тамшы хлороформ алып, араластырып және оған 1 тамшы анилин реактиві – анилин мен концентрлі тұз қышқылының /15:1/ қоспасы қосылады. Қыздырғанда сары түсті эмульсия қызыл түске боялады.
№ 12 зертханалық жұмыс
Тақырыбы: Ферменттердің физика-химиялық қасиеті Мақсаты: Әр ферменттер белгілі бір субстратқа немесе молекуладағы химиялық байланыстың белгілі типіне әсер етеді. Бұл ферменттердің өзіндік арнайы әсерінің нәтижесінде. Белгілі бір қослыстардың бәрі белгілі бір ферменттің әсерінен өзгеретінін анықтау. Ферменттердің мөлшерлік анықтау әдістерімен танысу
Тапсырма: 1) Амилазаға активаторлар мен парализаторлардың әсері
2) Сутект асқын оксидін бұзатын ферменттер. Каталаза
3) Сілекей амилазасының активтігін мөлшерлік анықтау
Қажетті құрал-жабдықтар: 2 мл крахмал ерітіндісі, 2 мл сахароза ерітінділері, 0,5 мл сілекей, 0,5 мл сахараза ерітіндіні, су жылытқышы, йод ерітіндісі. 1 мл пепсин, 1 мл тұз қышқылы, 1 мл сілекей, термостат не су жылытқышы. 1 мл су, сұйытылған сілекей, 1 мл дистилденген су және 0,5 крахмал ерітіндісі, 38 С су ваннасы, иод ерітіндісі. Штативтер пробирклар, пипеткалар, күкірт, электороплитка, пробирканы ұстағыш.
Амилазаға активаторлар мен парализаторлардың әсері. Ферменттер өзіндік арнайы қасиетке ие болады. Әрбір фермент белгілі субстратқа әсер етеді, яғни белгілі реакцияны ғана жылдамдатады. Мұны сілекей амилазасы мен ашытқылардан алынған сахараза арқылы тәжірибе оп – оңай байқауға болады. Ол қамыс қантын /сахарозаны/ глюкоза мен фруктозаға дейін ыдыратады.
Жұмыс барысы: 4 пробирка алып, оның 1 – сі мен 2 – не 2 мл – ден крахмал ерітіндісін, ал 3 – мен 4 – ге 2 мл – ден сахароза ерітінділерін құяды. Олардың 1 мен 3 – не 0,5 мл сілекей, 2 мен 4 – ге 0,5 мл сахаразасы бар ерітіндіні қосады. Пробиркадағыларды жақсылап араластырып 15 минут бөлме температурасында немесе 10 минут 38 – 40ºC су жылытқышында ұстайды. Осыдан кейін реттік саны боынша штативке орналастырып ферменттер активтігін анықтайды. Ол үшін йод ерітіндісімен және мыстың тотықсыздану реакцияларын жүргізеді. Алынған мәліметтерді төмендегі тәжірибе нобайына түсіре отырып, қорытынды жасауға болады.
