1-апта. Отбасындағы қарым-қатынас Граматикалық тақырып: «Зат есім тудырушы жұрнақтар (-лық, -шы, -гер)»
ОҚЫЛЫМ.
1-тапсырма. Мәтінді оқып, мазмұндаңыз.
Отбасындағы қарым-қатынас
Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамт болып өсуінің негізі болып табылады. Отбасының басты қызметі баланы тәрбиелеу. Отбасы тәрбиесі – бұл жалпы тәрбиенің ең басты бөлігі. Ата-ана және отбасы мүшелері жас нәресте дүнеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды. Бұған баланың қажеттігін толық қанағаттандыру, оны дене және ой еңбегіне үйрету, күн тәртібін дұрыс реттеуге, салауатты өмір сүруге, адал болуға тәрбиелеу, жақсылықты үйретуге, жамандықтан жиренуге үйрету, бойында жастайынан мәдени құндылықтар мен адамгершілік қасиеттерді қалыптастыру жатады. Бала дамуының қандай қырын алсақ та, қай жас ерекшелігі болмасын оның тиімді болуына отбасының ролі ерекше.
Қазіргі отбасының басты қызметтері мен міндеттері:
