Логикалық элементтердің статикалық параметрлері

Статикалық параметрлер дегеніміз логикалық элементтердің (ЛЭ)  кірісі мен шығысында кескінделетін айнымалылар (0 және 1) шекарасында кескінделетін кернеу мәндері:

2) шығысы бойынша U_шығ1min және U_шығ0max

және ток мәндері:

3) кірісі бойынша I_кір1max және I_кір0mах;

4) шығысы бойынша I_шығ1mах және I_шығ0mах.

Элементтер дұрыс жұмыс жасау үшін логикалық 1 кескіндейтін кернеу мейлінше жоғары, ал логикалық 0 кескіндейтін кернеу төмен болуы талап етіледі. Бұл талаптар  U_кір1min және U_кір0mах. параметрлеріне қойылады. Осы элементтің кіріс кернеуі алдыңғы элементтің шығыс кернеуі (сигналдар көзі). Жүктемелік шарттарды орындағанда сақталатын элемент шығысындағы элементтер деңгейі U_шығ1min және U_шығ0max параметрлері арқылы беріледі. Шығыс кернеуінің жоғарғы деңгейінде элемент қорек көзінен ток ағып, жүктеме тізбегі токты сіңіреді. Элемент қорек көзінің шығыс кернеуінің төменгі деңгейінде ток осы элементке құйылып, ал қабылдағыш элементтерінің кіріс тізбегінен токтар ағады.

Сигналдың қорек көзі элементтерінің мүмкіндіктерін сипаттайтын  I_шығ1mах және I_шығ0mах токтарын, қабылдағыш элементтеріне қолданылатын I_кір1max және I_кір0mах токтарын біле отырып, схеманың барлық элементтері үшін жүктемелік шектелуді сақтауды бақылауға болады.

Логикалық элементтердің тезәсерлігі олардың бір күйден екінші күйге ауысу жылдамдығымен анықталады. 1.2 суретте ЕМЕС логикалық элементінің жұмысының уақыттық диаграммасы көрсетілген. Логикалық сигналдың өзгеру уақыты  олардың U_таб, табалдырық деңгейіне жету уақыты болып саналады, ол үшін сигналдың логикалық төмендеуінің ортасын алады 0,5(U_о + U₁).

1.2 сурет – ЕМЕС логикалық элементі жұмысының уақыттық диаграммасы

ЦҚ тезәсерлігіне, сондай-ақ қайта зарядтауға уақыт  жұмсауды талап ететін сыйымдылықта әсер етеді. Анықтамалық мәліметтерде схема түйіндерінде жүктеме сыйымдылығын есептеуге мүмкіндік беретін логикалық элементтердің кіріс және шығыс сыйымдылықтары келтірілген.