Деректер оқушының үлгеріміне мониторинг жасауға мүмкіндік беретін график түрінде беріледі. Жылдам бағалау және белгілі бір оқушы туралы ақпарат алу мүмкіндігі оның артықшылықтары болып табылады. Бағалау оқу бағдарламасының мазмұнымен байланысты болғандықтан мұғалім оқушының ағымдағы білім деңгейін ескере отырып, оқыту тәсілдерін, оқу материалының көлемін түзетіп, бейімдеуді немесе түрлендіруді қажет ететін оқу бағдарламасының бөлімдерін (ерекше білім беруге қажеттілігі бар оқушыларға қатысты) ерекшелей алады. Мониторинг — бір немесе бірнеше балалардың дамуын немесе қажетті дағдылар мен іскерліктерді меңгеруін қадағалау процесі. Мақсаты: баланың білім беру бағдарламасын меңгері деңгейін және білім бері мекемесінде ұйымдастырылатын білім беру процесінің баланың дамуына әсерін анықтау. Мониторингтің нысанасы: баланың физикалық, интеллектуалдық және жеке тұлғалық қасиеттері. Мониторинг екі компонеттен тұрады: білім беру процесінің мониторингі (білім беру бағдарламасын меңгерудегі нәтижелерді қадағалау) және бала дамуының мониторингі (білім беру бағдарламасын меңгері курсынан соң баланың интегративтік қасиеттерінің дамуын бағалау негізінде жүргізіледі). Мониторинг түрлері: баланы бақылау, әңгімелесулер, эксперттік бағалаулар, тестік емес типтегі әдістемелер, көрсеткіштерді анықтауға бағытталған тесттер, скрининг тесттер. Мониторинг екі деңгейде іске асырылады: 1) балалардың бейімделген іс-әрекет түрлеріне және сабақтарға қатысуын үнемі мониторингтеу, әжетте бұл балалардың барлық іс-әрекет түрлерін тікелей кәсіби бақылау. Жиі қатысу (қатыспау), мөлшері (ұзақтылығы), күту уақыты және т.б өлшенеді. 2) балалардың үйренген іскерліктері және өзара байланыстарды меңгерік мен пайдалануы қадағаланады.
