Түркі академиясы халықаралық Ұйымы йүСҮП ҰЛЫҚ хас-хажиб баласағҰНИ

353
Білімдар тірілтеді ақиқатты,
Негізін шын шариғат ұстар қатты.
Болмаса бұл әлемде ғалым дана,
Бітпес ед жерде жеміс қасақана.
Білім ол – шам-шырағы жұрттың күнде,
Жанып ап жаңылдырмас жеті түнде.
Сыйла сен ғалымдарды күліп тұрып,
Әкеліп ас пен суды, қол қусырып
4245. Беземе тілді бекер – болар қамшы,
Олардың дәрісі у ғой бір-ақ тамшы.
Тілді тый, нан-тұз әкел шүлен етер,
Құрметтеп, ғалымдарды сыйла, көтер.
Ғалымды тыңда, тілмен амалдама,
Қылығын, қылған ісін жамандама.
Олардың ғылымы тек қолыңа ұстар,
Қаласаң ақиқаттың жолын нұсқар.
«Ғалымдар – қой ішінде серке», – десем,
Қой бастар жөнді жолмен ол – бір көсем.
4250. Сыйлас бол ғалымдармен – еленесің,
Құтына қос Жалғанның бөленесің.
Бұлардан басқа топ бар, байқап қара:
Білімі әрбір топтың жеке-дара.
Емшілермен (тәуіптермен) араласуды айтады
Бірі – олардың емшілер ғой бір қауым,
Емдейтұғын елдің ауру-сырқауын.

354
Керек олар – сіз аралас боларсыз,
Өмір ісі оңбас, сірә, оларсыз.
Өмір барда кісіні ауру дендейді,
Емші көрсе, дәрі беріп емдейді.
4255. «Ауру» деген – өлімнің қол созғаны,
«Өлім» деген – бұл өмірдің тозғаны.
Ұста жақсы, жақын тұтып бақ тағын,
Керек бұлар, үлес-хақын сақтағын!
Сиқыршылармен араласуды айтады
Міне, отырмын сиқыршыны айтам деп,
Ол емдейді айналдырса сайтан кеп.
Жөн онымен араласып тұрған да,
Шақыр оны кісіні жын ұрғанда.
«Пайдалы ғой» десең емін аларда,
Ей, батыр ер, ұста жақсы оларды!
4260. Сиқыршы да, емші де кеп емдейді:
Екеуі де бір-біріне сенбейді.
Кім ауырса – емші дәрі арнайды, 
Сиқыршы оның жын–шайтанын арбайды.

жүктеу/скачать 1,36 Mb.

Достарыңызбен бөлісу: