Бір қабаттыкуб тәрізді эпителий бүйректің түтікшелерінде, сілекей безінің өзектерінде және қалқанша безде кездеседі. Клеткалардың биіктігі мен ені бірдей куб тәрізді болады. Бір қабатты призмалы эпителий биік клеткалардан тұрады. Бұл эпителий бүйректің проксималды түтікшелерін, асқазан, ішек, жатыр түтігін астарлап жатады. Ішектің призмалы клеткаларының апикалды бетінде көптеген микробүрлер болады. Олар эпителийдің сіңіру жиегін ұлғайтады.
Көп қатарлы кірпікшелі эпителий тыныс алу мүшелері, жатыр түтігі, аталық жыныс безінің қосалқы қуыстарын астарлап жатады. Мысалы, кеңірдектің көп қатарлы клеткаларының пішіні әр түрлі болады: биік кірпікшелі, аласа базалды, ендірмеі, ірі бокал тәрізді клеткалар. Бокал тәрізді клеткалар шырышты секрет бөліп тұрады.
