Аралық/қорытынды аттестаттау сұрақтарының бағалаудың нақты критерийлері
жүктеу/скачать 239,06 Kb.
|
1 терапия.
| 33. Бейспецификалы жаралы колит
Бейспецификалық жаралы колит – тік және тоқішек кілегей қабатының жаралы – деструкциялық зақымдануына және соның салдарынан ішектің стенозына, тесілуіне,қан кетуге, сепсиске т.б. алып келуі мүмкін созылмалы мендейтін ауру. Эпидемиологиясы: Бұл ауру әдетінде жас шақта, 20-40 жас аралығында пайла болады және әйелдерде 1,5 есе жиі кездеседі.Көбнесе шалдығатын дамыған елдердің қала тұрғындары, 100 000 тұрғынға шаққандағы кездесу жиілігі 30-270 шамасында.Темекі тартатын адамдардың арасында 2 есе сирек байқалады. Болжамдар бойынша никотин тоқішекке протекторлық әсер етеді. Таралуы жер бетінде бірдей емес, ең жиі шалдығатын Скандинавия, Солтүстік Америка, Канада, Израиль тұрғындары. Таралу ерекшеліктері этностық, генетикалық ықпалдармен байланыстырады. Соңғы жылдары бұл аурудың егде жастағыларда және балаларда да жиі байқалады Этиологиясы Аурудың даму себептері белгісіз. Болуы мүмкін себептеріне ішектік инфекция (бактериялар, вирустар), кейбір дәрі дәрмектер, тағамдық аллергия, стресстік ықпалдар,өсімдік талшықтарының тапшылығы жатқызылады. Клиникалық көрінісі Ішектік белгілердің негізгі симптомдары: 1. Іштің қан, ірің, кілегей аралас өтуі. Іш өту көбіне түнгі және таңертеңгі мезгілдерде, тәулігіне 20 кейде 30-40 ретке дейін. Нәжіске араласқан қанның көлемі әртүрлі, ауыр жағдайларда таза қан шығады.Кейбір науқастар тәулігіне 100-300 мл қан жоғалтады. Нәжісте ірің көп мөлшерде және нәжістің иісі ерекше сасық болады. Диарея мен қан кету - бұл аурудыңбасты белгілері. Диареяның басты себебі –зақымданған ішектің қабырғасында су мен натрий реабсорбциясының тежелуі. Нәжіске қан араласу уақытына қарай жаралы колит келесі түрде басталуы мүмкін: - алдымен диария болып, содан бірнеше күннен кейін кілегей мен қан бөліне басталуы; бірден ректальдік қан кетуден басталуы, ал дәреттің бұзылмауы немесе қоймалжын нәжіс бөлінуі; - диарея мен ректальді қан кетудің қатар басталуы. 2. Тенезмдер – дәретке жиі-жиі отырғысы келу, отырғанда болмашы қан, кілегей, ірің бөлінеді. Бұл тік ішектің аса белсенді қабынуының белгісі. 3. Іштің ауыруы – іш ұстамалы ауырады.іштің ауыратын жері зақымдалған тоқішектің проекциясына сәйкес. Тенездер мен іштің ауыруы дефекациясының алдында және дефекация кезінде күшейеді, ал ішек босағаннан соң басылады. Кейде ауырсыну тамақ ішкеннен кейін күшейеді. 4. Пальпация кезінде іштің ауырсынуы – сигма тәрізді тоқішекті және соқыр ішекті пальпациялағанда іштің айқын ауырсынуы байқалады. Аурудың асқынбаған түрінде ішастардың тітіркену белгілері болмайды, бірақ ауыр түрінде құрсақ қабырғасының резистенттілігі анықталады. 5. Интаксикациялық синдром – дерттің ауыр түрінде дәрменсіздік, адинамия пайда болады, дене қызуы биіктейді, тәбет төмендейді, жүрек айниді, салмақ төмендейді. Көбінде астенизацияның белгілері байқалады: депрессия, ашушандық, жылағыштық т.б. Асқынулары: 1. Тоқішектің перфорациясы. 2. Тоқішектің уытты дилятациясы. 3. Ішектен қан кету. 4. Тоқішектің стриктурасы. 5. Тоқішектің рагы. Қосымша зерттеу мәліметтері. 1. Тік ішекті саусақпен зерттеу. Саусаққа қанды немесе іріңді кілегейлі жағынды ілінеді және ішек кілегей қабығының бұлдырлануы мен қалындауы байқалады. 2. Лабораториялық зерттеулерде анықталатын өзгерістер. қанның жалпы анализінде: анемия, ЭТЖ жоғарлауы, лейкоцитоз, тромбоцитоз Қанның биохимиялық анализдерінде: жедел фазалық көрсеткіштердің биіктеуі (фибриногеннің, серомукоидтың), СРБ-тың болуы; гипоальбуминемия, гипопротеинемия; гипокалиемия, гипокальциемия,гидрокарбонаттар концентрациясының төмендеуі; билирубиннің көбеюі; гепатиттің дамуынан – бауыр сынамаларының өзгерістері. Серологиялық анализдер – науқастардың кейбіреуінде тоқішектің кілегей қабығына, ДНК-ға, эритроциттерге антиденелер анықталады. Бактериологиялық зерттеулер – нәжістің бактериологиялық анализі жедел дизентериядан айыру үшін және дисбактериоздыңтүрін анықтау қажет. 3. Аспаптық зерттеулер. Ректороманоскопия – дертті анықтау үшін міндетті түрде қолданатын зерттеу әдісі. Эндоскопиялық көрінісінен активтіліктің дәрежелерін айырады: І дәрежелі (минимальді) – тік ішектің кілегей қабығы ісініп қызарған және жарақаттанғыш. ІІ дәрежелі (орташа) – бірінші дәрежелі активтілігініңкөрінісімен қатар көптген эрозиялар,фибриндік шөгінділер,ішекте мол мөлшерде қанды және ірінді кілегей болады,тамыр өрнегі жойылған ІІІ дәрежелі ( өте айқын) – кілегей қабықтыңбеті фибринді - ірінді шөгіндімен қапталғаноны сыдырғанда астынан түйіршікті,тұтас қанайтын ішектің беті көрінеді; эпителизацияланудың белгілері жоқ; көптеген жаралар мен псевдополиптер; ішектің қабырғасы ригидті, өзегі тарылған. Колоноскопия – жаралы колитті өзге аурулардан айыру үшін немесе аурудың тік ішектің зақымдануынсызсегментті түрлерін және зақымданудың таралу көлемін анықтау мақсатымен жасалады Рентгенологиялық зерттеулер: 1) Іш қуыстың шолу рентгенографиясы – перфорацияны, тоқішектің уытты дилятациясын анықтау қажет; 2) Ирригоскопия – анықталатынөзгерістер. Ішек контурының кетіктенуі, гаустрацияның жойылуы, бүрмелердің қалыңдауы, көптеген дақтар, жаралық ойықтар, толу кемістіктері және ішектің әркелкі таралуы немесе қысқаруы. Дифференциалдық диагноз 1. Бактериялық және амебалық дизентерия. Бұл ауруларды айырғанда сүйенетін мәліметтер: эпидемиологиялық анамнез, маусымдық тәуелділік; іштің алғашқы күндерден бастап өтуі, кілегейдің бөлінуі, содан кейін нәжісті қан талшықтарының пайда болуы; нәжістің бактериологиялық зерттеуінде шигелланың немесе микроскопиялық зерттеуінде патологиялық амебаның анықталуы; ректороманоскопияның мәліметтері – ішектің тарылмауы, кілегей қабық өрнегінің сақталуы; некроздық ошақтардың, псевдополиптердің, диффузды қанағыштықтың болмауы. 2. Крон ауруы – жінішке ішекті және ішек қабырғасының барлық қабаттарын тұтас зақымдайтын ауру. Жаралардың жіңішке, саңылау тәрізділігінен ішектің эндоскопиялық көрінісі “тас көшеге ” ұқсайды. Ауруды айыруға биопсия көмектеседі. Крон ауруында осы ауруға тән гранулемалар анықталады. Емдік дәм. Өршу кезінде № 4, 4б ремиссия кезінде 4в емдәмі беріледі. Науқастардың кейбіреуінде аглютендік диета (ақ және қара бидай, арпа өнімдері қосылмаған тағамдар) диареяны тоқтатады. Аса ауыр жағдайда белок гидролизаттарын (аминопептид, казеин гидролизаты,т.б), аминоқышқыл қоспалары (альвезин, полиамин,вамин т.б),глюкозаны, липидтік дәрмектерді интралипид, липофундин) тамшылатып парентральды қоректендіреді. Қоректендірумен қатар электролиттік бұзылыстарды, микроэлементтер тапшылығын жою үшін калий, натрий хлориді,магний сульфаты ерітінділерін, витаминдерді, темір дәрмектерін емге қосады. Базистік дәрмектер Жаралы колит емінің дәрмектеріне жататындар: 5-аминосалицил қышқылының туындылары және цитостатиктер. Базистік дәрмектер патогенезіндің негізгі буындарына әсер етеді: қабыну медиаторларының түзілуіне, иммундық бұзылыстарға, т.б. 5-аминосалицил қышқылының туындылары: сульфасалазин, салазопиридозин, салазодиметоксин, мезалазин, салофальк, 5аминосалицил қышқылы. Аталған дәрмектердің алдыңғы үшеуі ішектің флораның әсерінен екі затқа бөлінеді – 5- АСК-на және сульфапиридинге.5-АСК лейкопротейндердің,простогландиндердің, өзге қабыну медиаторларының синтезін тежеу арқылы қабынуды басады.Сульфапиридин антибактериялық және қабынуға қарсы әсер етеді. Оның әсерін анаэробтық флораның, әсіресе клостидияның көбеюі тоқтайды. Дәрмектердің ерекше қасиеті – дәнекер тінді , соның ішінде ішектің қабырғасында жиналып 5- АСК –ын біртіндеп бөлуі. Сульфасалазинді 0,5 г тамақтан 1 сағат бұрын күніне 4 рет ішеді. Дәрмекті қолданған кезде сұйықтықты мол ішу қажет (сүтті, минеральді суды, т.б). Тәулігіне 2 г асырылған дозаны науқастардың көбі көтере алмайды, егер көтере алатын болса 5-7 күн 4-6-8 г ішеді, ал ол әсер етпесе, онда доза 10-12г көбейтеді. Емнің алғашты аптасында (5-8 күндерде) науқастын жағдайы тәуірленеді, қан мен кілегей бөлінуі азаяды, ал емнің 3-4 апталарында ректороманоскопиялық көрініс жақсарады. Аурудың өршуі басталғаннан кейін дәрмекті біртіндеп азайтып, сүйемелдеу дозасына келтіреді (1-1,5г/тәул). Осы дозады науқасты бір жыл немесе үнемі ұстайды. Сульфасалазин жақпағанда, орнына месалазин тәулігіне 1 г беріледі. Егерде тоқішектің төменгі бөліктері (тік ішек, сигма тәрізді ішек ) зақымданса, жалпы еммен бірге жергілікті емді жасайды. Сульфасалазинді 1-3 г микроклизма немесе 0,5-1 г суппозитория түрінде 3-4 апта, 5 % салазопиридозиннің суспензиясын 30 мл күніне 2 реттен 1-2 ай тік ішекке енгізеді.Салазадәрмектердің жанама әсерлері: диспепсиялық бұзылыстар, жегі синдром, агранулацитоз, метгемоглобинемия, гемолиз, аллергиялық пневмотит, еркектердің ұрықсыздығы. Глюкокортикоидтар – (преднизолон), иммуносупрессанттар – азатиоприн күніне 150-250 мг немесе меккаптопурин 100мг беріледі, цитостатиктерді глюкокортикоидтармен бірге қолданылады. Микроклизмалар – колларгол, антипирин, новокаин ерітіндісімен немесе түймедақтың, зығыр ұрығының тұнбасымен жасайды.Антибактериялық ем және ішек дисбактериозын емдеу. Хирургиялық ем. жүктеу/скачать 239,06 Kb. Достарыңызбен бөлісу:
|