Зерттеудің практикалық мәні: ауыл мектебі жағдайында оқушылардың оқу-танымдық іс-әрекетін белсендірудің мүмкіндіктері көрсетілді, оның құрылымдық-мазмұндық моделі ұсынылды; «Оқушылардың оқу-танымдық іс-әрекетін белсендіру технологиялары» атты арнайы курс бағдарламасы жасалынды.
Зерттеу нәтижелерінің дәйектілігі мен сенімділігі: Зерттеу қорытындыларының жалпы әдіснамалық негізде дәлелденуімен, нақты бірін-бірі толықтырушы ғылыми-эксперименттік әдістердің кешенді қолдануымен, педагогикалық зерттеу жұмыстарының кезеңділігімен және мақсатқа сәйкестілігімен, олардың тиімділігін тәжірибе жүзінде тексерумен, оны практикаға ендірумен қамтамасыз етіледі.
