Дәрістің мақсаты:Персоналды басқару аспектілері мен қағидаларын сипаттау. Басқару қағидаларын жіктеу. Персоналды басқару әдістерін топтастыру. Персоналды басқарудың мазмұнын айқындау.
Персоналды басқару аспектілері, қағидалары:
Техникалық-технологиялық аспект нақты өндірістің даму деңгейін, әсіресе ондағы қолданылатын техника мен технологиялардың, өндіріс жағдайларының ерекшеліктерін ескеру қажеттілігін ұйғарады.
ұйымдастырушылық-экономикалық аспект жұмыскерлердің саны мен құрамын, моральдық және материалдық ынталандыру, жұмыс уақытын пайдалану және т.б. қызметтерді жоспарлауға байланысты мәселелерді шешуге мүмкіндік береді.
Құқықтық аспектперсоналмен жұмыс істеуде еңбек заңдылықтарын сақтау мәселелерін қарастырады.
Әлеуметтік–психологиялық аспект персоналды басқаруда әлеуметтік-психологиялық қамтамасыз етуді, жұмыс істеу тәжірибесінде әр түрлі әлеуметтік және психологиялық процедураларын енгізуге байланысты мәселелерді қарастырады.
Персоналды басқару жүйесін құру қағидалары. Басқару қағидалары – басқару функцияларын орындаудағы жетекшілер негізге алатын идеялар, заңдылықтар және мінез-құлқының тәртібі. Басқару менеджментінде негізгі қағидалар болып табылатындар:
Басқарудағы орталықтандыру мен орталықсыздандырудың ұтымды үйлесімі
Басқарушылық шешімдерді қабылдауда өкілеттілікті ұтымды пайдалану
Жоспарлаушылық, ұйымның келешектегі дамуының негізгі бағыттарын, мәселелерін, жоспарларын белгілеу
Құқықтардың, міндеттемелердің және жауапкершіліктердің үйлесуі, яғни ұйымдағы әрбір адам нақты жұмыстармен қамтылады да, оның орындалуына жауап береді
Мотивация, менеджерлер марапаттау және жазалау жүйесін неғұрлым ұқыпты жүргізген сайын мотивация бағдарламасын тиімді орындап, ұйымның және жеке бастың мақсаттарына жету үшін әр адамның әрекетін ояту
