Кіріспе Ілияс Жансүгіров – қазақ әдебиетінің аса ірі өкілі. Туған әдебиетіміздің іргесін қаласқан, оның әрі қарай дамуына, өрістеуіне, қалыптасуына өзінің көркем туындыларымен елеулі үлес қосқан зор тұлға, асқан талант иесі.
Жансүгіровтің алғашқы өлеңдерінің жазылуы – 1915-1916 жылдар, соңы 1937 жыл. Әдебиет майданында еңбек еткен осы 20 шақты жыл ішінде ол республикамыздың мәдениет, шаруашылық саласындағы өміріне тікелей араласа жүріп, қоғамдық жауапты қызметтер атқарды, оқып білім алды, суреткердік өсу жолынан өтіп, шығармашылық жемісті еңбек етті.
Әдебиеттің поэзия, проза, драматургия, сатира жанрында, әдебиет сыны саласында әлеуметтік мәнділігі, терең ойы, сұлу сыррлылығымен құнды мол туындылар қалдырды.
І.Жансүгіровтің сан-салалы шығармашылығы біршама жүйелі түрде зерттелгені, әртүрлі ғылыми деңгейде орнықты бағасын алғаны белгілі. Заманның құбылуы, әдеби-сыни көзқарастағы түбірлі өзгерістер қаламгер туындыларын уақыт талабына сай қайта қарастыруыд сұрап отырады. Бұрын-соңды айтылған пікірлерді, оқытудың әдіс-тәсілдерін жаңаша бағамдау кезеңдері туындап тұр.
Жансүгіровтің суреткелік өнері әсіресе поэзия саласында айқын көрініс тапты. Әсіресе «Құлагер» поэмасы біздегі поэзия мәдениетін жаңа түр, тың сапамен байытып, белгілі бір деңгейге көтерді. «Құлагер» поэмасының мазмұны терең, мағынасы кең, айтар ойының өзектілігі сонда, ол қазіргі мектеп оқулықтарынан әлі де өз орнын таба білген шығарма. Ал оны орта мектепте инновациялық әдіс-тәсілдер арқылы оқыту жлба жұмысының өзектілігін көретеді.
