ӘБУБӘКІР (КЕРДЕРІ) ШОҚАНОВ (1958–1912)
Туған жері: Ақтөбе облысы.
1903 жылы «Әдебиет қазақия» деген кітабы шыққан. Өлеңдерінің көбі отаршылдық озбырлыққа қарсылықты сарында жазылған. Көбіне өткен өмірдің жақсылықты жақтарын поэзиясына арқау етіп, бүгіннен түңілгендей сипат танытады.
«Сырқау болып жатқанда» өлеңіндегі өмір, адам туралы толғаныстары, ақындық ой-топшылаулары өте мәнді. Адам өмірінде ғылым-білімнің алар орны туралы ақын орнықты ой-пікірлер айтқан.
«Заманның опасыз халінде айтқан өлеңінде» өз заманының келбетін кеңінен суреттейді.
«Әубәкір молланың ноғай халқына насихат қылып айтқаны» толғауында түркі тектес халықтарды бірлікке, ынтымақтыққа шақырып, діндес, тілдес ұлттардың бірлігін жақтайды.
ШӘКӘРІМ ҚҰДАЙБЕРДІҰЛЫ (1857–1931)17 Туған жері: қазіргі Шығыс Қазақстан облысы (бұрынғы Семей облысы), Абай ауданы, Шыңғыстау бөктері.
Қызметі: әрі лирик, әрі эпик ақын, сазгер, әнші, прозашы, аудармашы, тарихшы, философ, ғалым-зерттеуші, мәдениет қайраткері, терең ойшыл.
Маңызды деректер:
7 жасында әкеден жетім қалды және 7 жасында өлең шығарып жаза бастаған.
1878
20 жасында өз елінде Ысқақтың орнына бір сайлау болыс болады.
1881
Болыстықты Абайдың ақылымен Оспанға өткізеді.
1905-1906
Қажылық сапар шегеді. Меккеге барған осы сапарын пайдаланып ақын өзінің байырғы арманын жүзеге асырады. Ыстамбұл, Париж кітапханаларынан туған халқының тарихына қатысты кітаптарды оқиды. Жиналған материалдарды негізінде «Түрік, қырғыз, қазақ хандар шежіресі кітабын жариялайды.
1909-1910
Ел ортасын тастап оңаша елсізге кетіп, Шыңғыстаудың қойнауындағы Шақпақ деген жерде өмір сүре бастайды. Шығармашылықпен айналысты.
