| Балық консервілерін бағалау
Балық консервілерінің сапа көрсеткіштері жалпы және арнайы болып бөлінеді. Жалпы көрсеткіштерге иісі, негізгі өнімнің консистенциясы, ас тұзының мөлшері, бөтен қоспалардың болуы жатады. Арнайы көрсеткіштерге негізгі өнімнің түсі; негізгі өнімнің мөлшері; негізгі өнім өлшемі мен салу реті; терісі мен сүйегінің болуы; қабыршағының болуы; май, желе мөлдірлігі; соус, май, желе түсі; соус, желе консистенциясы; құрамдас бөліктерінің нетто массасына шаққанда мөлшері; құрғақ заттар, қалайы, мыс және қорғасын мөлшері, қышқылдылығы жатады.
Сынама таңдап, сынаманы зерттеуге дайындаған соң сыртқы түрі, металл ыдыстың герметикалығы мен ішкі бетінің күйі анықталады.
Ыдысының сыртқы түрін анықтау. Таңдалған бірліктерді көзбен шолып, қағаз затбелгінің немесе таңбаның болуы мен күйі; затбелгі жазбаларының мазмұны; ыдысының ақаулары: герметикалығының бұзылуы, ағып кетуі, беті мен түбінің қампаюы және т.б. анықталады.
Герметикалығын ыдысты жылы суға батырып анықтау. Металл ыдыстардың затбелгісін алып тастап, жуады. Ыдыстарды алдын ала қайнағанша келтірілген суға батырады, батырғанда су температурасы 85ºС төмендемеу керек. Көпіршіктердің пайда болуы ыдыстардың герметикалы жабылмағанын білдіреді.
Металл ыдыстың ішкі бетін анықтау. Банкілер құрамын босатып, мұқият жуып және бірден кептірілген ыдыстарды қарап: қара дақтардың болуы мен таралу дәрежесін, таттанған дақтардың болуын, лактанған ыдыстарда лактардың сақталғыштығын анықтайды.
Органолептикалық көрсеткіштерін анықтау. Ыдыс құрамын тәрелкеге немесе фарфор ыдысқа салып алып, органолептикалық бағалайды. Органолептикалық көрсеткіштерін мына ретте анықтайды: сыртқы түрі, түсі, иісі, дәмі және консистенциясы.
Бақылау сұрақтары
Достарыңызбен бөлісу: |
