I бөлім не үшін үйлену керек?
жүктеу/скачать 1 Mb. Pdf көрінісі
|
не үшін үйлену керек
- Бұл бет үшін навигация:
- 2.Сапалы уақыт
- 3.Сыйлық алу
- 4.Қызмет ету
| 1.Қолдау сөздері
«Жүректен шыққан сөз жүрекке жетеді» дегендей, сөз арқылы сезім қылын шертіп, сезіміңді білдіре аласың. Марк Твен «Бір комплимент екі ай өмір сүруіме жеткілікті» деп, қошемет сөздердің рөлін айтып кетті. Отбасылық өмірде ерлі-зайыптылар бір-бірін бағалайтынын, сүйетінін жиі айтып отыруы керек. Пайғамбарымыз (оған Алланың игілігі мен сәлемі болсын) Айша анамызды (оған Алла разы болсын) «Хумайра» (қызылшырайлы) деп еркелетіп, «Көздерің неткен көркем, қардай аппақ еді!» деп жылы сөздерін арнаған. 2.Сапалы уақыт Бүгінгі қарбалас тірлікте жақыныңа арнайы уақыт бөліп, оны тыңдап, әңгімелесіп, бірге уақыт өткізу сирек боп бара жатқандай. Жұбайыңның тілі «сапалы уақыт» болса, онда ол үшін сенімен бірге өткізген уақыттан артық еш нәрсе жоқ. Сенің уақыт тауып, онымен бірге болуың, қыдыруың, әңгімесін ден қойып тыңдауың, тауға бірге серуендеп шығуың оны ерекше сезімге бөлейді әрі ол 66 Мах абб аттың бес тілі III БӨЛІМ өзін ең сүйікті жан сезінеді. Пайғамбарымыздың (оған Алланың игілігі мен сәлемі болсын) жұбайларымен қарым-қатынасына назар аударсақ, ол бұл тілді де жақсы меңгерген сияқты. Айша анамызбен (оған Алла разы болсын) жүгіріп жарысуы, эфиоптықтардың өнерін тамашалауға бірге баруы, әңгімелерін ұйып тыңдауы соған дәлел. 3.Сыйлық алу Жұбайыңның тілі «сыйлық алу» болса, оған кез келген сыйлық қуаныш сыйлайды. Ол оны өзіне деген махаббаттың белгісі ретінде қабылдайды. Кішігірім кітапшаның өзі оның көңілін көтеріп, жылы сезімге бөлейді. Тіпті әлеуметтік желілерге өзіне жасалған сыйлықтың суретін салып, бөлісуге асығады. Пайғамбарымыз Мұхаммед (оған Алланың игілігі мен сәлемі болсын) «Бір-бірлеріңізге сыйлық жасаңыздар: араларыңыздағы сүйіспеншілік артады» деп сыйлық жасаудың үлкен рөлін айтып кеткендей. 4.Қызмет ету Махаббат тілі «қызмет ету» болған әйеліне жұбайы үй шаруасында жәрдемдессе, бұл оның жүрегін жібітіп, көңіліне жылы сезім ұялатады. Жүгін көтерісу, жұмысынан көлікпен алып кету – қызмет етудің мысалдары. Тіпті асты қолыңмен жұбайыңның аузына апарып, сезіміңді осылайша қызмет ету арқылы да білдіре аласың. Пайғамбарымыз (Оған Алланың игілігі мен сәлемі болсын) «Отбасыңыз үшін нені сарп қылсаңыз да, оның сыйын аласыз, тіпті ол әйеліңіздің аузына қолыңызбен салған бір тілім ас болса да» деген еді. Айша анамыз да (Оған Алла разы болсын) Пайғамбарымызға (Оған Алланың игілігі мен сәлемі 67 Мах абб аттың бес тілі III БӨЛІМ болсын) қызмет ететін, сол арқылы махаббатын көрсететін. Ол Пайғамбарымыздың (Оған Алланың игілігі мен сәлемі болсын) шашын жуып, тарайтын. жүктеу/скачать 1 Mb. Достарыңызбен бөлісу:
|