19
РЕЗЮМЕ
Ботобекова Айшат Токтоназаровна
Кыргыздардын сүйлөшүүсүндөгү вербалдык эмес
байланыш каражаттар системасы
10.02.01 - кыргыз тили адистиги боюнча филология илимдеринин кандидаты
окумуштуулук даражасын алуу үчүн жазылган диссертация.
Негизги сөздөр: вербалдык эмес каражаттар,
паралингвистика,
кинесика,
фонация, проксемика, ымдоо-жаңсоолор, сүйлөшүү, үндүн түрдүү угумдары,
информация туюндуруу.
Диссертациялык иш кыргыздардын сүйлөшүүсүндө колдонулган вербалдык
эмес
каражаттардын табият-маңызын, семантикалык, тематикалык түрлөрүн,
функцияларын изилдөөгө арналган.
Киришүү бөлүмүндө изилдөөнүн актуалдуулугу, максаты, милдети, обьектиси,
предмети, илимий жаңылыгы,
коргоого коюлуучу жоболор, практикалык мааниси,
методу жана методологиялык негизи белгиленди.
Диссертациянын биринчи бөлүмүндө сүйлөшүүнүн вербалдык эмес түрү,
алардын тил илиминде изилдениши, паралингвистика
илиминин кыскача тарыхы,
калыптанышы, анын илим катары пайда болушуна негиз болгон теориялык
өбөлгөлөр, өнүгүш процесстери жөнүндө сөз болот. Паралингвистика илиминин
башкы өзөгүн түзгөн кинесика, фонация, проксемика тармактарынын изилдениши
жана бул каражаттардын кыргыздардын сүйлөшүүсүндө колдонулушу, кызматы,
информация туюндуруу өзгөчөлүктөрү жана тил
менен болгон карым-катышы
изилденди.
Ымдоо-жаңсоо белгилерин классификациялоо маселеси боюнча түркология,
орус, батыш тил илиминдеги көзкараштар жалпылаштырылып жана андагы
жыйналган материалдардын негизинде ымдоо-жаңсоо белгилери сүйлөшүүдөгү
кызматына, соматикалык өзгөчөлүгүнө, пикир алышуучулардын жынысына,
курагына ж.б. белгилерине карай классификацияланды.
Достарыңызбен бөлісу: 
