Лекция №1. Менеджмент басқару туралы ғылым Жоспары
жүктеу/скачать 0,75 Mb.
|
2 . Лекция тезистері
- Бұл бет үшін навигация:
- Коммуникация
| Ұйымдастыру – басқару құрылымы бойынша басқарушылық іс-әрекетінің функциясы, қызметкерлердің құқықтары мен міндеттерін анықтау, олардың өзара қарым-қатынастарын қамтамасыз ету, мақсатқа жету жолындағы әдіс-тәсіл, құралдардың тиімдісін таңдау.
Ұйымдастыру процесінің кезеңдері: еңбекті (қызметті) бөліп берудің тиімді формасын анықтау; басқарудың ұйымдастырушылық құрылымын анықтау; білім беру мекемелері бөлімі мен бөлімшелері қызметкерлері арасында міндеттері мен құқықтарын анықтау, жұмыстарды бөлісу; қызметке, іс-әрекетке, жұмысқа уақытты бөлу; кадрларды таңдау және іріктеу. Ұйымдастырушылық қызметтің басты құралдары болып табылатындар: бұйрық, ереже, жарнама, нұсқау, әңгімелесу және т.б. Қазіргі кезеңде нақты құрылымы жоқ мекемені тиімді басқару мүмкін емес. Басқару құрылымы – басқару процесін жүзеге асыратын ұйымдастыру формасы. Тиімді ұйымдастырушылық құрылымды құру – мақсат емес, мақсатқа жету құралы. Білім беру саласында менеджердің мақсаты – мекеменің міндет-мақсатына сәйкес келетін ең жақсы әдіс-тәсілді таңдау. М.Мескон, М.Альберт, Ф.Хедоури сияқты американдық ғалымдардың пікірінше, ең жақсы құрылым – мекемені сыртқы ортамен тиімді өзара қарым-қатынасқа өнімді еңбекке бағыттайтын құрылым, осылайша өз мақсатына жоғары жетістікке жету. Мотивация – мекеме қызметкерлерінің кәсіби іс-әрекетін ынталандыру және өзін-өзі дамыту бойынша басқару іс-әрекетінің функциясы, сондай-ақ әрбір қызметкердің шығармашылық белсенділігін қалыптастыратын ұжымдағы тиімді әлеуметтік-психологиялық ахуал қалыптастыратын басқару іс-әрекеті. Білім беру жүйесінде ТQМ нобайы 21-суретте ұсынылды. Бақылау – келелі адекватты коррекциялық іс-әрекет жасау үшін мекеменің жұмысына объективті сандық және сапалық баға беруді мақсат ететін басқару іс-әрекетінің функциясы. Сапалы ақпаратты жинау мен талдау басқарудың кері байланысын жүзеге асырғанда көрініс табады. Бақылау басқару іс-әрекеті ретінде төмендегідей кезеңдерді қамтиды: білім беру мекемелері әртүрлі бөлімдерінің жай-күйін, көрсеткіштерін, стандарттарын анықтау; бақылау объектісінің дәрежесіне сәйкес келетін ақпарат жинау; алынған нәтижені қойылған стандартпен салыстыру; сәйкессіздікті болдырмау жолдарын іздестіру, фактілерді талдау; қол жеткен нәтиже бойынша төменгі деңгейге жеткізу және тарату; нәтиже бойынша ақпаратты талдау, бағалау; жоспарланған, алынған нәтижелерге түзетулер енгізу (коррекция жасау). Координация – процестің үздіксіздігін, тоқтаусыз жүруін қамтамасыз ететін басқару функциясы. Коррдинациялаудың басты мақсаты – тиімді байланысты орнату арқылы мекеменің барлық бөлімдерінде өзара келісімділікті, үйлесімділікті қамтамасыз ету. Басқарудың бұл қызметін жүзеге асыруда әртүрлі құжат көздері пайдаланылады (ЖОО-ның жылдық есебі, кафедра, факультеттің жұмыс іс-жоспарлары, қызметтік жоспары және т.б.). Коммуникация – жақсы координациялық жұмысты жүргізу үшін коммуникацияның атқаратын рөлі зор. Басқару қызметінде ақпаратты алу, өңдеу және жеткізу барысындағы іс-әрекеттер жүйесі коммуникациялық қызметті құрайды. жүктеу/скачать 0,75 Mb. Достарыңызбен бөлісу:
|