Лекциялар жинағы шымкент 2022 1-лекция Мектепте сандық жүйені оқыту. Натурал сандардың бөлiнгiштiк белгiлерi
жүктеу/скачать 8,29 Mb.
|
Лекциялар жинағы -11
- Бұл бет үшін навигация:
- Мектепте сандық жүйені оқыту. Натурал сандардың бөлiнгiштiк белгiлерi
- Әдебиеттер: 1. Рахымбек Д. А
- Мектепте сандық жүйені оқыту әдістемесі
- 1. Сандар жүйесiнiң кеңеюi
|
ОҢТҮСТIК ҚАЗАҚСТАН МЕМЛЕКЕТТIК ПЕДАГОГИКАЛЫҚ УНИВЕРСИТЕТІ ФИЗИКА-МАТЕМАТИКА ФАКУЛЬТЕТІ Математика кафедрасы Математиканы оқытудың дербес әдістемесі пәнінен ЛЕКЦИЯЛАР ЖИНАҒЫ Шымкент 2022 1-лекция Мектепте сандық жүйені оқыту. Натурал сандардың бөлiнгiштiк белгiлерi 1. Сандар жүйесiнiң кеңеюі, шарттары. 2. Мектептегі сан ұғымы. 3.Натурал сандар ұғымы және оның мазмұны 4.«Натурал сандардың бөлiнгiштiгi» тақырыбын оқытудың негiзгi мақсаты. Бұл тақырыптың оқулықтардағы баяндалу нұсқалары. 5. "Натурал сандардың бөлiнгiштiк белгiлерi" тақырыбын өтуге ойтүрткі. 6. Натурал санның қосындының және көбейтіндінің бөлінгіштігі. 7. Натурал санның 2-ге‚ 3-ке, 5-ке, 9-ға‚ 10-ға бөлiнгiштiк белгiлерi Әдебиеттер: 1. Рахымбек Д. Арифметика, алгебра, анализ бастамаларын оқыту әдістемесі. /Оқулық/ - Шымкент: М. Әуезов атындағы ОҚМУ баспа орталығы 2016. – 432 б 2. Рахымбек Д. Мектепте сандық жүйені оқыту әдістемесі: Оқу құралы. /Д. Рахымбек. – Шымкент: ОҚМПУ, 2020. - 98 бет. 3. Елубаев С. Математиканы оқыту әдістемесі. – Алматы; Эверо, 2016 4. Мектеп оқулықтары 5. Мұғалімге арналған оқу-әдістемелік құралдар 1. Сандар жүйесiнiң кеңеюi Мектеп математика курсында сандарды оқыту мынадай жүйемен жүргiзiледi:: N Q+Q R. Мұны сан ұғымының кеңеюінің тарихи құрылым жүйесі деп те айтады. Математикада бөлшек сандар терiс сандарға қарағанда әлдеқайда бұрын пайда болған. Математика ғылымында сандардың дамуының өзгеше жүйесi қабылданған: N Z Q R. Мұны сандар ұғымы дамуының логикалық (теориялық) құрылымы дейдi. Тарихи жүйеден оның өзгешiлiгi терiс сандардың бұрын енгiзiлуiнде. Сондықтан бұл жүйеде натурал саннан кейiн бүтiн сандар оқытылады. Сандар жиынының логикалық (теориялық) құрылымы негiзiнде мектеп математика курсын құру әр уақытта мүмкiн бола бермейдi. Сандар жиынының кеңеюiнiң логикалық құрылымы математика ғылымының iшкi талаптарын қанағаттандыруға негiзделген. Бұл оқушылардың шама-шарқына, жас ерекшелiктерiне, бiлiм дәрежесiне әр кезде сәйкес келе бермейдi. Сондықтан мектепте сандар жүйесiн кеңейту мәселесiн қойғанда сандардың келiп шығуы мен тарихи дамуын да ескеруге тура келедi. Мектеп курсының тарихи құрылымның жолына түсуiнiң басты себебi – бөлшек сандар адам өмірінің тәжірибесімен байданысты, сонымен қатар бөлшек сандар ұғымын оқушыларға түсiндiру терiс сандар ұғымын түсiндiруге қарағанда жеңiл. Мектептегi сандық жүйенi кеңейту төмендегi төрт шартты қанағаттандыратындығы белгiлi. Айталық А жиыны В жиынына дейiн кеңейтiлген болсын, сонда: 1) А жиыны В жиынының iшкi жиыны болуы керек; 2) А жиынында орындалатын барлық амалдар В жиынында да орындалуы тиiс; 3) А жиынында орындалмайтын амалдар В жиынында орындалуы тиiс; 4) В жиыны жоғарыдағы (1-3) шартты қанағаттандыратын барлық жиындардың iшiндегi ең кiшiсi болуы керек. Математикада сандық жүйенi құрудың екi тәсiлi бар: аксиоматикалық және конструктивтi. Мектеп курсында осы екi тәсiлдiң екеуiнiң де элементтерi кездеседi. жүктеу/скачать 8,29 Mb. Достарыңызбен бөлісу:
|