"АРУНА" - баспа. 2000 ж. құрылған. Балаларға арналған танымдық. көркем әдеби кітаптар
шығаруға маманданған. "ӘЙ-ӘЙ", "Балақай", "Сен білесің бе?", "Қазақ ертегілерінің
антологиясы", "Сырсандық", "Қазақстан балалар энциклопедиясы", "Шығыстың ұлылары",
"Қоңырау", "Әліпби", "Боямақ", т.б. сериялар бойынша кітаптар топтамаларын жарыққа шығарып
келеді. Баспаның директоры Қ.Раимбеков.
АРХИТЕКТОНИКА (грек. - architecton құрылыс өнері) - әдеби шығарманың біртұтастығы,
бүтіндігі, құрамдас бөліктерінің сәйкестігі, үйлесімділігі. Композиция ұғымымен қатар
қолданылады. Композиция шығарманың құрылым, жеке бөлшектерінің өзара түзілісін түгел
қамтиды десек, А. шығарманың құрылыс-бітімінің негізінен тұтастығы, бүтіндігі, құрамдас
бөліктерінің жарасым, үйлесім табуы.
